प्रकाशितवाक्य 1:9 - Halbi

⁹ मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

परमेस्वर को सच्चो वचन ख जाननू

⁹ मी यूहन्ना, जो तुमरो भई आय अर यीसु को कलेस अर राज्य अर धीरज म तुमरो संग सामिल आय। परमेस्वर को वचन सुननो अर यीसु मसी की गवाई को कारन पतमुस नाम को टापू म हतो

प्रकाशितवाक्य 1:9 Iomraidhean Croise

मत्ती 20:23

हुन हुनमन ले बल्लो, “तुमी मोचो बटका थानले तो पिआ से, मान्तर आपलो उजा घाई आउर डेबरी घाई कोकीई बसातोर मोचो काम नुआय, मान्तर जेचो काजे मोचो बुआ चो बाटले तिआर करा गेली, हुनीमन चो काजे आय।”

मरकुस 10:39

हुनमन हुनचो ले बल्ला, “आमचो ले होऊक सके।” ईशु हुनमन ले बल्लो, “जोन बटका थानले मय पिव तो थाने आंसे, तुमी पिआ से; आउर जोन डूबन मय धरतो बिता आंय, हुनके धरा से।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

2 कुरिन्थियो 1:7

आमचो आशा तुमचो बारे ने जमखम आय; कसनबल्लोने आमी जानु से कि तुमी जसन आमचो दुखमन ने, असने ची शान्ति ने बले शामिल हुआ।

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

फिलिप्पियो 4:14

तेबे बले तुमी अच्छा करलास कि मचो कलेश ने शामिल होलास।

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

प्रकाशितवाक्य 1:2

जोन माहापुरू चो बचन आउर ईशु मसीह चो गोहई, बल्लोने जोन काई हुन दकु रलो हुनचो गोहई दिलो।

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 11:7

जिदलदाय हुनमन आपलो गोहई देउन चुकदे, तेबे हुन पशु जोन अन्दकुप खोदरा थानले निकरेदे, हुनमन ले लडुन भाती हुनमन के जीतेदे आउर हुनमन के मारून देयेदे।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 13:10

जेके कयद ने पड़तोर आय हुन कयद ने पड़े दे; जोन तलवार ले मारे दे, जरूरी आय कि हुन तलवार ले मारा जाय दे। पवितर लोगमन चो धीरज आउर बिश्वास ऐई थाने आसे।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”

प्रकाशितवाक्य 6:9

जिदलदाय हुन पांचवां सील खोललो, तेबे मय बेदी चो खाले हुनमन चो जीव के दकले जोन माहापुरू चो बचन चो लागुन आउर हुन गोहई चो लागुन जोन हुनमन देऊ रवत बद करा जाऊ रवत।

प्रकाशितवाक्य 7:14

मय हुनके बल्ले, “हे मालिक, तुय ची जानीस।” हुन मोके बल्लो, “ऐ हुनमन आत, जोन हुन माहाकलेश थानले निकरून भाती ईला सोत; ऐ मन आपलो-आपलो फटीई मेमना चो लऊ ने धोऊन भाती पंडरा करला सोत।”