प्रकाशितवाक्य 1:18 - Halbi

¹⁸ मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

परमेस्वर को सच्चो वचन ख जाननू

¹⁸ जीवन को सोता मीइच ही आय। मी मर गयो रह अर अब देख मी हमेसा-हमेसा जिन्दो हैं; अर माऊत अर अधोलोक कि चाबी मोरो ही जोने हैं।

प्रकाशितवाक्य 1:18 Iomraidhean Croise

मत्ती 11:23

हे कफरनहूम, काय तुय सरग लगले डेंग करा जासे? तुय तो अधलोक लगले खाले जासे! जोन सामरत चो काम तुचो थाने करा गेलीसे, अगर सदोम ने करा जाति, तो हुन आजी ले बनुन रती।

मत्ती 16:19

मय तुके सरग चो राज चो कुची काड़ीमन देयेंदे: आउर जोन काई तुय धरतनी थाने बान्द से, हुन सरग ने बान्दी होयेदे; आउर जोन काई तुय धरतनी ने खोल से, हुन सरग ने खुले दे।”

लूका 24:5

जिदलदाय हुनमन डरला आउर धरतनी चो बाटे मुंह लुआऊन रवत तेबे हुनमन-हुनमन ले बल्ला, “तुमी जीवता के मरलो बितामन थाने केंव डगरायसास?

यूहन्ना 11:25

ईशु हुनचो बल्लो, “जीव उठतोर आउर जीवना मय ची आंय; जोन कोनी मोचो उपरे बिश्वास करू आत हुन अगर मरून बले जाये तेबले बले जियेदे,

यूहन्ना 14:19

आउर खिन्डिक समया बाचली से, कि फेर संवसार मोके नी दके दे, मान्तर तुमी मोके दका से; ऐईकाजे कि मय जीव आंसे, तुमी बले जीव राहा से।

रोमियो 6:9

कसनबल्लोने ऐ जानु से कि मसीह मरलो बितामन थानले जीव उठून भाती फेर मरू नुआय; हुनचो उपरे फेर मरना चो जय नी होये।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

कुलुस्सियो 3:3

कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 7:16

जोन शारीरिक हुकुम चो नियम चो अनुसार नुआय, मान्तर अमर जीवना चो सामरत चो अनुसार नियुक्त होलोर रओ।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

प्रकाशितवाक्य 10:6

आउर जोन जुग-जुग जीव आसे, आउर जोन सरग के आउर जोन काई हुन थाने आसे, आउर धरतनी के आउर जोन काई हुन थाने आसे, आउर समुन्द के आउर जोन काई हुन थाने आसे बनालो, हुनचेई किरिया खाऊन भाती बल्लो, “अदायं तो आउर बेर नी होये।”

प्रकाशितवाक्य 15:7

तेबे हुन चारो परानीमन थानले गोटक हुन सात सरग दूतमन के माहापुरू, जोन जुग-जुग जीव आसे, रीस ले भरलो बिती सोना चो सात बटकामन दिला;

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”

प्रकाशितवाक्य 20:13

समुन्द हुन मरलो बितामन के जोन हुन थाने रवत देऊन दिलो, आउर मरना आउर अधलोक ने हुन मरलो बितामन के जोन हुनमन थाने रवत देऊन दिलो; आउर हुनमन थानले हरकोनी चो काममन चो अनुसार हुनमन चो नियाय करा गेली।

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 5:14

आउर चारो परानीमन आमीन बल्ला, आउर सियानमन घसरुन भाती पाँय पढ़ला।

प्रकाशितवाक्य 6:8

मय नंजरा ले, आउर दका, आउर गोटक हरदी घोड़ा आसे; आउर हुनचो उपरे चेगलो बिता चो नाव मरना आय, आउर अधलोक हुनचो पाटे-पाटे आसोत; आउर हुनमन के धरतनी चो गोटक चवथाई थाने ऐ अधिकार दिया गेली कि तलवार, आउर अकाल, आउर मरी, आउर धरतनी चो रान पशुमन चो बाटले लोगमन के मारून पका ओत।

प्रकाशितवाक्य 9:1

जिदलदाय पांचवां सरगदूत तुरी फुकलो, तेबे मय सरग ले धरतनी थाने गोटक तारा घसरतोर दकले, आउर हुनके अन्दकुप खोदरा चो कुची दिया गेली।