प्रकाशितवाक्य 1:11 - Halbi

¹¹ “जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

परमेस्वर को सच्चो वचन ख जाननू

¹¹ “जो कुछ तुम देख रया हैं ओखा किताब म लिख अर ओखा सात कलेसिया हुन का भेज दा, इफिसुस, स्मुरना पिरगमुन, थुआतीरा, सरदीस, फिलदिलफिया, अर लउदीकिया का।”

प्रकाशितवाक्य 1:11 Iomraidhean Croise

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

प्रेरितो 18:24

अपुल्लोस नाव चो गोटक यहूदी, जेचो जनम सिकन्दरिया ने होऊ रली, जोन पण्डित माने रलो आउर पवितर शास्त्र के अच्छा ढंग ले जानते रलो, इफिसुस ने ईलो।

प्रेरितो 20:17

हुन मीलेतुस ले इफिसुस ने खबर पठालो, आउर कलीसिया चो सियानमन के हाग दिआलो।

1 कुरिन्थियो 15:32

अगर मय माने चो रीति थाने इफिसुस ने रान पशुमन ले लड़ले तो मोके काय फायदा होली? अगर मुरदा जिआया नी जादे, “तो ईआ, खाऊ-पीऊं, कसनबल्लोने काली के तो मरून ची जांवा।”

1 कुरिन्थियो 16:8

मान्तर मय पिन्तेकुस्त तक इफिसुस ने रयें दें।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

कुलुस्सियो 2:1

मय चाहाऊं आंय कि तुमी जानुन राहा कि तुमचो आउर हुनमन काजे जोन लौदीकिया ने आसोत, आउर हुन सपाय चो काजे जोनमन मोचो शारीरिक मुंह नी दकला, मय कसन मसागत करूं आंय,

1तीमुथियुस 1:3

जसन मय मकिदुनिया ने जातो बेरा तुके समजाऊन रये, कि इफिसुस ने रऊन भाती कितलो लोगमन के हुकुम देस कि दुसर परकार चो सिक्या नी देओत,

प्रकाशितवाक्य 1:17

जिदलदाय मय हुनके दकले तो हुनचो पाँयमन थाने मुरदा असन घसरुन पढ़ले। हुन मोचो उपरे आपलो उजा हाथ संगाऊन भाती बल्लो, नी डर; मय पयला आउर आखरी आउर जीव आंय;

प्रकाशितवाक्य 1:19

ऐईकाजे जोन गोठमन तुय दकली सीस आउर जोन गोठमन होये से आउर जोन गोठमन ऐचो पाचे होतो बिती आय, हुन सपाय के लिक।

प्रकाशितवाक्य 1:2

जोन माहापुरू चो बचन आउर ईशु मसीह चो गोहई, बल्लोने जोन काई हुन दकु रलो हुनचो गोहई दिलो।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 1:8

परबु माहापुरू, जोन आसे आउर जोन रये आउर जोन ऐतो बिता आय, जोन सर्वशक्तिमान आय, ऐ बले से, “मय ची अलफा आउर ओमेगा आंय।”

प्रकाशितवाक्य 10:4

जिदलदाय सातो गरजन चो शब्द सुना दिली, तेबे मय लिकतो थाने रये, मान्तर मय सरग ले ऐ शब्द सुनले, “जोन गोठमन गरजन चो हुन सात शब्दमन ले सुनली सीस हुनमन के गुपत ने संगाव, आउर नी लिक।”

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 19:9

तेबे सरगदूत मोचो ले बल्लो, “ऐ लिक, कि धन्य हुनमन आत, जोन मेमना चो बिहा चो भोज ने हाग दिलोर आसोत।” फेर हुन मोचो ले बल्लो, “ऐ बचन माहापुरू चो सत बचन आय।”

प्रकाशितवाक्य 2:1

“इफिसुस चो कलीसिया चो दूत के ऐ लिक: ‘जोन सातो तारामन आपलो उजा हाथ ने धरून भाती आसे, आउर सोना चो सातो पटेरामन चो मंजी ने बुलु आय, हुन ऐ बलेसे’”

प्रकाशितवाक्य 2:12

“पिरगमुन चो कलीसिया चो दूत के ऐ लिक: जेचो लगे दुयधारी आउर तेज तलवार आसे, हुन ऐ बलेसे: कि”

प्रकाशितवाक्य 2:18

“थुआथीरा चो कलीसिया चो दूत के ऐ लिक: माहापुरू चो बेटा जेचो आँईकमन आईग चो तरास चो असन, आउर जेचो पाँय बड़ीया पीतल चो असन आसे, हुन ऐ बलेसे”

प्रकाशितवाक्य 2:24

“मान्तर तुमी थुआथीरा चो बाकी लोगमन ले, जितरो ऐ सिक्या के नी मानोत आउर हुन गोठमन के जोनमन के शयतान चो भेद गोठमन बोलु आत नी जानोत, ऐ बलेंसें कि मय तुमचो उपरे आउर बोज नी डालेंदे।”

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”

प्रकाशितवाक्य 21:5

जोन सिंघासन थाने बसुन रये, हुन बल्लो, “दक, मय सपाय काई नवा करून देऊ आंय।” फेर हुन बल्लो, “लिकुन धर, कसनबल्लोने ऐ बचन बिश्वास चो लायक आउर सत आय।”

प्रकाशितवाक्य 22:10

फेर हुन मोचो ले बल्लो, “ऐ किताब चो अगम गोठ चो गोठमन के बन्द नी कर; कसनबल्लोने समया लगे आसे।

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 3:1

“सरदीस चो कलीसिया चो दूत के ऐ लिक: जेचो लगे माहापुरू चो सात आत्मामन आउर सात तारामन आसे, हुन ऐ बलेसे कि मय तुचो काममन के जाने से, तुय जीवता तो बलाय सीस, मान्तर आसीत मरलोर।”

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”

प्रकाशितवाक्य 3:4

“मान्तर हव, सरदीस ने तुचो थाने कितलो असन लोग आसोत जोनमन आपलो-आपलो फटीई अशुद्ध नी करला, हुनमन पंडरी फटीई पिन्दुन भाती मोचो संगे बुलदे, कसनबल्लोने हुनमन ऐ लायक आत।”

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”