प्रकाशितवाक्य 1:1 - Halbi

¹ ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

परमेस्वर को सच्चो वचन ख जाननू

¹ यू यीसु मसी को दर्सन आय, यू उनका परमेस्वर कि तरफ से मिल्यो जसो उ अपना चेला हुन ख आन वालो भविस्य म होन वाली घटना दिखाय। यीसु न अपनो स्वर्गदूत भेज ख यू दर्सन को ग्यान अपनो दास यूहन्ना ख बतायो,

प्रकाशितवाक्य 1:1 Iomraidhean Croise

यूहन्ना 12:49

कसनबल्लोने मय आपलो बाटले गोठ नी गोठया यें; मान्तर बुआ जोन मोके पठालो से हुनी मोके हुकुम दिलो से कि काय-काय बलेंदें आउर काय-काय सांगेंदें?

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

यूहन्ना 17:8

कसनबल्लोने जोन बचन तुय मोके दिलीस, मय हुनके हुनमन के अमराऊन दिले; आउर हुनमन हुनके गरहन करला, आउर सत-सत जानला से कि मय तुचो बाटले ईले से, आउर बिश्वास करले से कि तुय ची मोके पठालीस।

यूहन्ना 3:32

जोन काई हुन दकलो आउर सुनलो से, हुनचेई गोहई देऊ आय; आउर कोनी हुनचो गोहई गरहन नी करे।

यूहन्ना 8:26

तुमचो बारे ने मोके खुबे काई बोलतोर आउर फयसला करतोर आसे; मान्तर मोचो पटाऊ बिता सते आय, आउर जोन मय हुनचो ले सुनले से हुनी जगत ले बलें सें।”

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

गलातियो 1:12

कसनबल्लोने हुन मोके माने चो बाटले नी पोंहचली, आउर ना मोके सिकाय गेली, मान्तर ईशु मसीह चो परकाशन ले मिरली।

इफिसीयो 3:3

बल्लोने ऐ कि हुन भेद मोचो उपरे परकाशन चो दुबारा परकट होली, जसन मय पयले ची संक्षेप ने लिकुन चुकले से,

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

प्रकाशितवाक्य 1:19

ऐईकाजे जोन गोठमन तुय दकली सीस आउर जोन गोठमन होये से आउर जोन गोठमन ऐचो पाचे होतो बिती आय, हुन सपाय के लिक।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 17:1

जोन सात सरग दूतमन चो लगे हुन सात बटकामन रये, हुनमन थानले गोटक ऐऊन भाती मचो ले ऐ बल्लो, “ऐ बाटे आव, मय तुके हुन बड़े बेश्या चो डण्ड दकायें दें, जोन खुबे असन पानी थाने बसली से,”

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 19:9

तेबे सरगदूत मोचो ले बल्लो, “ऐ लिक, कि धन्य हुनमन आत, जोन मेमना चो बिहा चो भोज ने हाग दिलोर आसोत।” फेर हुन मोचो ले बल्लो, “ऐ बचन माहापुरू चो सत बचन आय।”

प्रकाशितवाक्य 21:2

“फेर मय पवितर नंगर नवा यरूशलेम के सरग ले माहापुरू चो लगले उतरतोर दकले। हुन-हुन दुली चो असन रली जोन आपलो मुनुक चो काजे सिंगार करलोर रओ।”

प्रकाशितवाक्य 21:9

फेर जोन सात सरग दूतमन चो लगे सात आखरी बिपत्तिमन ले भरलो बिती सात बटकामन रये, हुन थानले गोटक मोचो लगे ईलो, आउर मोचो संगे गोठयाऊन बल्लो, “ऐ घाई आव, मय तुके दुली बल्लोने मेमना चो बायले दकायें दें।”

प्रकाशितवाक्य 22:1

फेर हुन मोके बिल्लोर चो असन झलक तो बिती, जीवना चो पानी चो लंदी दकालो, जोन माहापुरू आउर मेमना चो सिंघासन ले निकरून भाती

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”

प्रकाशितवाक्य 22:8

मय हुनी यूहन्ना आय, जोन ये गोठमन सुनते आउर दकते रलो। जिदलदाय मय सुनले आउर दकले, तेबे जोन सरगदूत मोके ऐ गोठमन दकाते रलो, मय हुनचो पाँयमन थाने पाँय पढ़तो काजे घसरुन पढ़ले।

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”

प्रकाशितवाक्य 4:1

ऐ गोठमन चो पाचे जोन मय नंजरा ले तो काय दकेंसे कि सरग ने गोटक कपाट उगाढ़ी होली से, आउर जेके मय पयले तुरी चो असन शब्द ले आपलो संगे गोठमन करतोर सुनु रयें, हुनी बलेंसें, “ऐथा उपरे आव; आउर मय हुन गोठमन तुके दकायेंदे, जेचो ऐ गोठमन चो पाचे पुरा होतोर जरूरी आय।”

प्रकाशितवाक्य 5:7

हुन ऐऊन भाती हुनचो उजा हाथ ले जोन सिंघासन थाने बसुन रये, हुन किताब धरलो।