फिलिप्पियो 3:20 - Halbi

²⁰ मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

परमेस्वर को सच्चो वचन ख जाननू

²⁰ पर हमारी स्वदेस स्वर्ग पर हैं; अर हम एक उध्दार कर्ता प्रभु यीसु मसी को वहा से आवन कि बाट जोतू रवह हैं।

फिलिप्पियो 3:20 Iomraidhean Croise

मत्ती 19:21

ईशु हुनचो ले बल्लो, “अगर तुय सिद्ध होऊक मन कर सीस जाले जा, आपलो माल बिकुन भाती कंगालमन के देस, आउर तुके सरग ने धन मिरेदे; आउर ऐऊन भाती मोचो पाट-पाट आव।”

लूका 12:21

असने ची हुन माने बले आय जोन आपलो काजे धन सकलु आय, मान्तर माहापुरू चो नजर ने सवकार नुआय।”

लूका 14:14

तेबे तुय धन्य हो से, कसनबल्लोने हुनमन चो लगे तुके पलटा देतो काजे काई निआय, मान्तर तुके धरमीमन चो जीव उठलो ने ऐचो करलो फल मिरे दे।”

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

1 कुरिन्थियो 1:7

ऐथा ले कि कोनी बर ने तुमके घाटा निआय, आउर तुमी आमचो परबु ईशु मसीह चो परकट होतोर बाट टाकते रऊ आहास।

1 कुरिन्थियो 15:48

जसन हुन माटी चो रलो, असने ची हुनमन बले आत जोन माटी चो आत; आउर जसन हुन सरग चो आय, असने ची हुनमन बले आत जोन सरग चो आत।

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

2 कुरिन्थियो 5:8

ऐईकाजे आमी हिम्मत बान्दते रऊ आंव, आउर देंह ले अलग होऊन भाती परबु चो संगे रतोर आउर बले उत्तम समजु आंव।

गलातियो 4:26

मान्तर उपर चो यरूशलेम छुटछाड़ा आसे, आउर हुन आमचो आया आय।

इफिसीयो 2:19

ऐईकाजे तुमी अदायं परदेशीया आउर मुसाफिर नी रलास, मान्तर पवितर लोगमन चो संगवारी परदेशीया आउर माहापुरू चो घरलोगमन चो होऊन गेला।

इफिसीयो 2:6

आउर मसीह ईशु ने हुनचो संगे उठालो, आउर सरग चो जगामन ने हुनचो संगे बसालो

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 4:16

कसनबल्लोने परबु खुदे ची सरग ले उतरे दे; हुन समया ललकार, आउर परधान दूत चो शब्द सुना देये दे, आउर माहापुरू चो तुरी फुका जाय दे; आउर जोन मसीह ने मरला से, हुनमन पयले जीव उठ दे।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 12:22

मान्तर तुमी सिय्योन चो डोंगरी चो लगे, आउर जीवता माहापुरू चो नंगर, सरग चो यरूशलेम, चो लगे आउर लाखो सरग दूतमन

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।