फिलिप्पियो 2:6 - Halbi

⁶ जोन माहापुरू चो रंगरूप ने होऊन भाती बले माहापुरू चो बराबरी होतो काजे आपलो बस ने संगातोर तीज नी समझलो।

परमेस्वर को सच्चो वचन ख जाननू

⁶ जे न परमेस्वर को स्वरूप म हो ख भी परमेस्वर को तुल्य होन ख अपनो बस म रख कि चीज नी समझ।

फिलिप्पियो 2:6 Iomraidhean Croise

मत्ती 1:23

“दका, गोटक कुंआरी देंहबारी होयेदे आउर गोटक बेटा जनमायदे, आउर हुनचो नाव इम्मानुएल संगाया जायेदे,” जेचो अरत आय-माहापुरू आमचो संगे।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 10:30

मय आउर बुआ गोटक आंव।”

यूहन्ना 10:33

यहूदीमन हुनके जबाप दिला, “अच्छा काम काजे आमी तुचो उपरे पकना नी मारतु मान्तर माहापुरू चो निन्दा करतोर लागुन; आउर ऐईकाजे कि तुय माने होऊन भाती आपन खुद के माहापुरू बनाय सीस।”

यूहन्ना 10:38

मान्तर अगर मय करू आय, तो भले मोचो बिश्वास नी बले करा, मान्तर हुन काममन चो तो बिश्वास करा, बल्ले तुमी जाना आउर समजा कि बुआ मोचो ने आसे आउर मय बुआ ने आसे।”

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 14:9

ईशु हुनचो ले बल्लो, “हे फिलिप्पुस, मय ईतलो दिन ले तुमचो संगे आंसे, आउर काय तुय मोके नी जानीस? जोन मोके दकलो से हुन बुआ के बले दकलो से। तुय केंव बोल सीस कि बुआ के आमके दकाव?

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

यूहन्ना 20:28

ऐ सुनुन थोमा जबाप दिलो, “हे मोचो परबु, हे मोचो माहापुरू!”

यूहन्ना 5:18

ऐई लागुन यहूदी आउर बले खुबे हुनके मारतो काजे कोशिश करते रओत, कसनबल्लोने हुन ना मात्र सब्त चो दिन चो बिदी के टुटाते, मान्तर माहापुरू के आपलो बुआ बोलुन भाती आपन खुद के माहापुरू चो बराबर बले ठेबा ते रलो।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 1:6

आउर जिदलदाय पयलवात के जगत ने फेर आने से, तेबे बले से, “माहापुरू चो सपाय सरगदूत हुनके पाँय पड़ोत।”

इब्रानियो 1:8

मान्तर बेटा चो बारे ने बले से, “हे माहापुरू, तुचो सिंघासन जुग-जुग रयदे, तुचो राज चो राजदण्ड नियाय चो राजदण्ड आय।

इब्रानियो 13:8

ईशु मसीह काली आउर आजी आउर जुग-जुग गोटक समान आय।

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”