Biblia Todo Logo
Bìoball air-loidhne

- Sanasan -




फिलिप्पियो 2:13 - Halbi

13 कसनबल्लोने माहापुरू ची आय जोन आपलो अच्छा इच्छा संगे तुमचो मन ने इच्छा आउर काम, दुनो गोठमन चो करतोर असर डाललो से।

Faic an caibideil Dèan lethbhreac

परमेस्वर को सच्चो वचन ख जाननू

13 काहेकि परमेस्वर ही हैं जे न अपनी जो भी इच्छा निमित तुमारो मन म इच्छा अर काम, दोई बात हुन को करन को प्रभाव डाल दियो हैं।

Faic an caibideil Dèan lethbhreac




फिलिप्पियो 2:13
39 Iomraidhean Croise  

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।


“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”


यूहन्ना जबाप दिलो, “जिदलदाय ले माने के सरग ले नी दिया जाये, तेबे तक हुन काई नी पाऊक सके।


अगम गिआनीमन चो लेखमन ने ऐ लिकलोर आसे, ‘हुनमन सपाय माहापुरू चो बाटले सिकालोर हो दे।’ जोन कोनी बले बुआ ले सुनला आउर सिकला से, हुन मोचो लगे ऐऊ आय।


आउर हुन बल्लो, “ऐईकाजे मय तुमचो ले बोलुन रले कि जिदलदाय ले काकीई बुआ चो बाटले ये बर नी दिया जाए तेबे तक हुन मोचो लगे नी ऐऊक सके।”


परबु चो हाथ हुनमन उपरे रली, आउर खुबे लोग बिश्वास करून परबु चो बाटे फिरला।


कसनबल्लोने मय हुन अनुग्रह चो कारन जोन मोके मिरली से, तुमचो थानले हरकोनी के बलें सें कि जसन समजातोर जरूरी आय हुनचो ले बडुन भाती कोनी बले आपन खुद के नी समजो; मान्तर जसन माहापुरू हरकोनी के बिश्वास सबुत चो अनुसार बाटुन दिलो से, असने ची सुअकल चो संगे खुद के समजो।


आउर ऐबे ले ना तो लेका जनमुन रये, आउर ना हुनमन काई अच्छा नाहले खराप करू रला, ऐईकाजे कि माहापुरू चो मन जोन हुनचो चुनलोर अनुसार आय, करममन चो कारन नाई मान्तर हाग दिलो बिता चो कारन आय, बनु रओ।


आउर ऐ ना तो चाहतो बितामन चो, ना परातो बितामन चो मान्तर दया करतो बिता माहापुरू चो गोठ आय।


आउर असरदार काम कईं परकार चो आय, मान्तर माहापुरू गोटक ची आय, जोन सपाय ने हर परकार चो असर पयदा करू आय।


मान्तर मय जोन काई बले आय, माहापुरू चो अनुग्रह ले आय। हुनचो अनुग्रह जोन मोचो उपरे होली, हुन फकाहा नी होली; मान्तर मय हुन सपाय ले बडुन भाती मसागत बले करले तेबले बले ऐ मोचो बाटले नी होली मान्तर माहापुरू चो अनुग्रह ले जोन मोचो उपरे रली।


ऐ नाई कि आमी आपन खुद ले ऐ लायक आंव कि आपलो बाटले कोनी गोठ चो बिचार करूक सकवां, मान्तर आमचो लायकता माहापुरू चो बाटले आय,


हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु


आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,


कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये


कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,


ऐईकाजे आमी सदा तुमचो काजे पारथना बले करूं आंव कि आमचो माहापुरू तुमके ऐ हाग दिया जातोर चो लायक समजो, आउर भलाई चो हरकोनी इच्छा आउर बिश्वास चो हरकोनी काम के सामरत संगे पुरा करो,


जोन आमचो मुक्ति करलो आउर पवितर बुलाहट ले हाग दिलो, आउर ऐ आमचो काममन चो असन नुआय; मान्तर हुनचो उद्देश्य आउर हुन अनुग्रह चो कारन आय जोन मसीह ईशु ने पयले ले आमचो उपरे होली से,


तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।


आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,


Lean sinn:

Sanasan


Sanasan