फिलिप्पियो 2:1 - Halbi

¹ आउर अगर मसीह ने खिन्डिक शान्ति, आउर मया ले हिम्मत, आउर आत्मा चो शामिल, आउर खिन्डिक करूना आउर दया आसे,

परमेस्वर को सच्चो वचन ख जाननू

¹ पर अदि मसी म कई सान्ति, अर प्रेम से हियाव, अर आत्मा कि संग म हता, अर कई दया अर भलाई हैं,

फिलिप्पियो 2:1 Iomraidhean Croise

लूका 2:25

यरूशलेम ने शिमोन नाव चो गोटक माने रलो, आउर हुन माने धरमी आउर भगत रलो; आउर इस्राएल चो शान्ति चो बाट दकते रलो, आउर पवितर आत्मा हुनचो उपरे रली।

यूहन्ना 14:18

“मय तुमके परटा नी छांडे दे; मय तुमचो लगे ऐयें से।

यूहन्ना 14:27

“मय तुमके शान्ति देऊन जायें सें, आपलो शान्ति तुमके देंयें से; जसन संवसार देऊ आय, मय तुमके नी देंयें: तुमचो मन बाय बिकाल नी होओ आउर नी डरो।

यूहन्ना 17:13

अदायं मय तुचो लगे ऐयें से, आउर ऐ गोठमन जगत ने बोलु आय, कि हुनमन मोचो हरिक आपलो थाने पुरा पाओत।

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

रोमियो 8:26

असने रीति ले आत्मा बले आमचो कमजोरी ने सायता करू आय, कसनबल्लोने आमी नी जानु, कि पारथना कसन रीति ले करतोर आय; मान्तर आत्मा खुद ची असन हुमारून-हुमारून भाती जोन सांगतोर ले बाहरे आसे, आमचो काजे गुहार करू आय।

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

1 कुरिन्थियो 15:31

हे भाईमन, मोके हुन घमण्ड चो किरिया जोन आमचो मसीह ईशु ने मय तुमचो बारे ने करूं आंय कि मय रोजे दिना मरू आय।

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

2 कुरिन्थियो 2:14

मान्तर माहापुरू चो धन्यबाद होओ जोन मसीह ने सदा आमके जय चो हरिक ने धरून फिरू आय, आउर आपलो गिआन चो बास आमचो बाटले हर जगा फयलाऊ आय।

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

इफिसीयो 4:4

गोटक ची देंह आय, आउर गोटक ची आत्मा; जसन तुमके जोन हाग दिया जाऊ राआस आपलो हाग दिया गेलो ले गोटक ची आशा आसे।

फिलिप्पियो 1:8

ऐ थाने माहापुरू मोचो गोहई आसे कि मय मसीह ईशु चो लाड़ करून तुमी सपाय चो आशा करें से।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

इब्रानियो 6:18

बल्ले दुय नी बदल तो गोठमन चो लागुन, जेचो बारे ने माहापुरू चो फंदी ठेबतोर नी होऊक सके, मजबूती ले आमचो हिम्मत बन्दुन जाओ, जोन सरन धरतो काजे ऐईकाजे पराला से कि हुन आशा के जोन पुरे संगालोर आसे पाओत।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1यूहन्ना 3:24

जोन हुनचो हुकुममन के मानु आय, हुन हुन थाने आउर हुन हुनमन ने बनुन रऊ आय: आउर ऐचीई ले, बल्लोने हुन आत्मा ले जोन हुन आमके दिलो से, आमी जानु से कि हुन आमचो ने बनुन रऊ आय।

1यूहन्ना 4:12

माहापुरू के केबीई कोनी नी दकला; अगर आमी आपस ने मया संगावां, तेबे माहापुरू आमचो ने बनुन रऊ हाय आउर हुनचो मया आमचो ने सिद्ध होऊन गेली से।

1यूहन्ना 4:16

जोन मया माहापुरू आमचो ले संगाऊ आय, हुनके आमी जानलु आउर आमके हुनचो ले बिश्वास आसे। माहापुरू मया आय, आउर जोन मया ने बनुन रऊ आय हुन माहापुरू ने बनुन रऊ आय, आउर माहापुरू हुनचो थाने बनुन रऊ आय।