फिलिप्पियो 1:9 - Halbi

⁹ मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

परमेस्वर को सच्चो वचन ख जाननू

⁹ मी यहाँ प्रार्थना करू हैं कि तुमारो प्रेम ग्यान अर पूरो तरीका को ग्यान संग अर भी बढ़ते जाहे।

फिलिप्पियो 1:9 Iomraidhean Croise

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

2 कुरिन्थियो 8:7

ऐईकाजे जसन तुमी हर गोठ ने बल्लोने बिश्वास, बचन, गिआन आउर सपाय परकार चो कोशिश ने, आउर हुन मया ने जोन आमचो ले संगाऊ आस, बाड़ते जाऊ आस, असने ची ऐ दान चो काम ने बले बाड़ते जाआ।

इफिसीयो 5:17

ऐई लागुन बेअकल नी हुआ, मान्तर धिआन ले समजा कि परबु चो इच्छा काय आय।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 3:10

आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

फिलेमोन 1:6

मय पारथना करूं आंय कि बिश्वास ने तुचो सामिल होतोर, तुमचो सपाय भलाई चो पयचान ने, मसीह चो काजे असरदार होओ।

इब्रानियो 5:14

मान्तर अरन सियानमन जो काजे आय, जेचो गिआन ईन्द्रिमन सुरता करता-करता अच्छा-खराप ने परक करतो ने निपुन होऊन गेलीसे।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।