फिलिप्पियो 1:8 - Halbi

⁸ ऐ थाने माहापुरू मोचो गोहई आसे कि मय मसीह ईशु चो लाड़ करून तुमी सपाय चो आशा करें से।

परमेस्वर को सच्चो वचन ख जाननू

⁸ ऐ म परमेस्वर मेरो गवाह आय कि मी मसी यीसु कि प्रेम कर ख तुम पुरा कि इच्छा करू हैं।

फिलिप्पियो 1:8 Iomraidhean Croise

लूका 1:78

ऐ आमचो माहापुरू चो हुनी बड़े करूना ले होयेदे; जेचो लागुन बादरी ले आमचो उपरे बिहान चो उजर उदय होयेदे,

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 9:1

मय मसीह ने सत बलेंसें, झूठ नी बलें आउर मोचो बिबक बले पवितर आत्मा ने गोहई देऊ आय।

2 कुरिन्थियो 13:9

जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

2 कुरिन्थियो 6:12

तुमचो काजे आमचो मन ने काई संका निआय, मान्तर तुमचो मनमन ने संका आसे।

2 कुरिन्थियो 7:15

जिदलदाय हुनके तुमी सपाय चो हुकुम मानु होतोर सुरता ऐऊ आय कि कसन तुमी डरते आउर थरथरते-थरथरते हुनचो संगे भेट करलास; तेबे हुनचो मया तुमचो बाटे आउर बले बाड़ते जायसे।

गलातियो 1:20

जोन गोठमन मय तुमके लिके से, दका, माहापुरू चो हाजिर जानुन भाती बलें सें कि हुनमन झूठा नुआय।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

फिलिप्पियो 2:1

आउर अगर मसीह ने खिन्डिक शान्ति, आउर मया ले हिम्मत, आउर आत्मा चो शामिल, आउर खिन्डिक करूना आउर दया आसे,

फिलिप्पियो 2:26

कसनबल्लोने हुनचो मन तुमी सपाय ने लगु रली, ऐ लागुन हुन बाय बिकाल रते रलो कसनबल्लोने तुमी हुनचो बेमार चो हाल सुनुन रलास।

फिलिप्पियो 4:1

ऐईकाजे हे मचो लाडरा भाईमन, जोनमन थाने मचो जीव लगु रऊ आय, जोन मचो हरिक आउर मुकुट होओ, हे लाडरा भाईमन, परबु ने ऐई परकार थीर राआ।

कुलुस्सियो 2:1

मय चाहाऊं आंय कि तुमी जानुन राहा कि तुमचो आउर हुनमन काजे जोन लौदीकिया ने आसोत, आउर हुन सपाय चो काजे जोनमन मोचो शारीरिक मुंह नी दकला, मय कसन मसागत करूं आंय,

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

1 थिस्सलुनीकियो 2:5

कसनबल्लोने तुमी जानेसास कि आमी ना तो केबीई चापलुसी चो गोठमन करा करते रऊँ, आउर ना लोभ चो काजे बाहना करते रऊँ, माहापुरू गोहई आसे;

1 थिस्सलुनीकियो 2:8

आउर असने ची आमी तुमचो लालच करते, ना मात्र माहापुरू चो नगतखबर थाने आपलो-आपलो जीव बले तुमके देतोर तिआर रलु, ऐईकाजे कि तुमी आमचो लाड़रा होऊन जाऊ राआस।

2 तीमुथियुस 1:4

आउर तुचो आँसुमन चो सुद्धि करून-करून रात दिन तुचो ले भेट करतोर आशा संगाऊ आय कि हरिक ले भरून जायें।

फिलेमोन 1:12

हुनी के बल्लोने जोन मोचो कारजा चो गोंदा आय, मय तुचो लगे फिरान दिलेसे।

फिलेमोन 1:20

हे भाई, ऐ हरिक मोके परबु ने तुचो बाटले मिरो। मसीह ने मोचो जीव के हरा-भरा करून देस।

1यूहन्ना 3:17

मान्तर जोन कोनी चो लगे संवसार चो धनमाल रओ आउर हुन आपलो भाई के कंगाल दकुन भाती हुनचो उपरे जीव दुकाऊक नी चाह ले, तेबे हुनचो थाने माहापुरू चो मया कसन बनुन रऊक सकु आय?