फिलिप्पियो 1:7 - Halbi

⁷ ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

परमेस्वर को सच्चो वचन ख जाननू

⁷ उचित हैं कि मी तुम सब को लाने असा ही विचार करू, काहेकि तुम मोरो मन म आ ख बसे हो, अर मोरी जेल म अर सुसमाचार का लाने जवाब अर नमस्कार देन म तुम सब मोरो संग सामिल हो गया हैं।

फिलिप्पियो 1:7 Iomraidhean Croise

प्रेरितो 20:23

मात्र ऐ कि पवितर आत्मा हर नंगर ने गोहई देऊन-देऊन भाती मोचो ले बोलु आय कि बान्दन आउर कलेश तुचो काजे तिआर आसे।

प्रेरितो 21:33

तेबे पलटन चो सरदार लगे ऐऊन भाती हुनके धरलो; आउर दुय सिकरामन ले बान्दतोर हुकुम देऊन भाती पचारूक मुरयालो, “ऐ कोन आय आउर ऐ काय करलो से?”

1 कुरिन्थियो 13:7

हुन सपाय गोठमन सहु आय, सपाय गोठमन चो बिश्वास करू आय, सपाय गोठमन चो आशा संगाऊ आय, सपाय गोठमन ने धीरज धरू आय।

1 कुरिन्थियो 9:23

मय ऐ सपाय काई नगतखबर चो काजे करू आंय कि दुसरमन चो संगे हुनमन चो भागी होऊन जायें।

2 कुरिन्थियो 3:2

आमचो चिठ्ठी तुमी ची आहास जोन आमचो मन थाने लिकलोर आसे आउर हुनके सपाय माने चिताऊ आत आउर पढु आत।

2 कुरिन्थियो 7:3

मय तुमके दोषी ठेबातो काजे ऐ नी बोलें। कसनबल्लोने मय पयले ची बोलुन चुकले से कि तुमी आमचो मन ने असन बसुन गेलासास कि आमी तुमचो संगे मरतो जीवतो काजे तिआर आंसु।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 3:1

ऐई लागुन मय पौलुस जोन तुमी दुसर जातिमन चो काजे मसीह ईशु चो बन्दी आंय

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

इफिसीयो 6:20

जेचो काजे मय सिकरा ले बान्दलो बिती राजदूत आंय; आउर ऐ बले कि मय हुनचो बारे ने जसन मोके जरूरत आसे साआस ले बलेंदें।

फिलिप्पियो 1:12

हे भाईमन, मय चाहाऊं आंय कि तुमी ऐ जाना कि मोचो उपरे जोन गुजरली से, हुनचो ले नगतखबर चो बाड़ती होली से।

फिलिप्पियो 1:13

ऐथा ले कि राजा चो राज महल चो पुईतराय पलटन आउर बाकी सपाय लोगमन ने ऐ परकट होऊन गेली से कि मय मसीह चो काजे बन्दी आसे;

फिलिप्पियो 1:14

आउर परबु ने जोन भाई आत, हुनमन थानले खुबे मोचो कयद होतोर कारन, हिम्मत बान्दुन भाती माहापुरू चो बचन बेधड़क सुनातोर आउर बले साआस करू आत।

फिलिप्पियो 1:5

ऐईकाजे कि तुमी पयला दिन ले धरून भाती आजी ले नगतखबर के फयलातो ने मोचो शामिल रलासास।

फिलिप्पियो 2:22

मान्तर हुनमन के तो तुमी परकलास आउर जानुन बले गेलासास कि जसन बेटा बुआ चो संगे करू आय, असने ची हुन नगतखबर चो फयलातो ने मोचो संगे मसागत करला।

फिलिप्पियो 4:14

तेबे बले तुमी अच्छा करलास कि मचो कलेश ने शामिल होलास।

फिलिप्पियो 4:15

हे फिलिप्पिमन, तुमी खुद ची बले जानास कि नगतखबर परचार चो मुर ने, जिदलदाय मय मकिदुनिया ले बिदा होले, तेबे तुमके छांडुन आउर कोनी कलीसिया ने लेन-देन चो बारे ने मचो सायता नी करला।

फिलिप्पियो 4:3

हे सत सहकरमी, मय तुमचो ले बले गुहार करें से कि तुय हुन बायले लेकीमन चो सायता कर, कसनबल्लोने हुनमन मोचो संगे नगतखबर फयलातो ने, क्लेमेंस आउर मचो दुसर सकरमीमन चो संगे मसागत करला से, जोनमन चो नाव जीवन चो किताब ने लिकलोर आसे।

कुलुस्सियो 4:18

मय पौलुस चो आपलो हाथ ले लिकलोर जुहार। मचो सिकरामन के सुरता संगाहा। तुमचो उपरे अनुग्रह होते रओ। आमीन।

कुलुस्सियो 4:3

आउर ऐचो संगे ची संगे आमचो काजे बले पारथना करते राहा कि माहापुरू आमचो काजे बचन सुनातोर असन दुआर उगाढुन देओ, कि आमी मसीह चो हुन भेद चो बरनन करूक सकु जेचो लागुन मय कयद ने आसे,

1 थिस्सलुनीकियो 5:5

कसनबल्लोने तुमी सपाय उजरमन चो पिला आउर दिन चो पिलामन आहास; आमी ना राती चो आव, ना अंधार चो आंव।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

2 तीमुथियुस 2:9

जेचो काजे मय कुकरमी चो असन दुख उठाऊँ आय, ऐथा ले कि कयद बले आंसे; मान्तर माहापुरू चो बचन कयद निआय।

फिलेमोन 1:13

हुनके मय आपलो ची लगे संगातोर मन करते रले कि हुन तुचो बाटले ऐ कयद ने जोन नगतखबर चो लागुन आय, मोचो सेवा करो।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

2 पतरस 1:13

मय ऐ आपलो काजे अच्छा समजे से कि जिदलदाय ले मय ऐ डेरा ने आसे, हुदलदाय ले तुमके सुद्धि दियाऊन भाती उभारते रयें दे।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।