फिलिप्पियो 1:5 - Halbi

⁵ ऐईकाजे कि तुमी पयला दिन ले धरून भाती आजी ले नगतखबर के फयलातो ने मोचो शामिल रलासास।

परमेस्वर को सच्चो वचन ख जाननू

⁵ एकोलाने कि तुम पहले दिन से ले ख आज तक सुसमाचार का सुननो म मोरो संग म रया हैं।

फिलिप्पियो 1:5 Iomraidhean Croise

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

रोमियो 11:17

मान्तर अगर कितरो खेंदामन टुटाऊन दिआय गेली, आउर तुय रान जैतून होऊन भाती हुनमन थाने साटा गेली, आउर जैतून चो चेर चो फिसलान चो भागी होली सीस,

रोमियो 12:13

पवितर लोगमन के जोन काई जरूरत होओ, हुन थाने हुनमन चो सायता करा; मानदान करतो ने लगु राआ।

रोमियो 15:26

कसनबल्लोने मकिदुनिया आउर अखाया चो लोगमन के ऐ इच्छा लागली कि यरूशलेम चो पवितर लोगमन ने गरीब लोगमन चो काजे खिन्डिक चन्दा करोत।

1 कुरिन्थियो 1:9

माहापुरू बिश्वास लायक आय, जोन तुमके आपलो बेटा आमचो परबु ईशु मसीह चो संगती ने हाग दिलो से।

2 कुरिन्थियो 8:1

अदायं हे भाईमन, आमी तुमके माहापुरू चो हुन अनुग्रह चो खबर देऊ से जोन मकिदुनिया चो कलीसियामन थाने होली से।

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

फिलिप्पियो 1:12

हे भाईमन, मय चाहाऊं आंय कि तुमी ऐ जाना कि मोचो उपरे जोन गुजरली से, हुनचो ले नगतखबर चो बाड़ती होली से।

फिलिप्पियो 1:16

कितलो तो ऐ जानुन भाती कि मय नगतखबर चो काजे जबाप देतो काजे ठेबाया गेले से, मया ले परचार करू आत।

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 1:7

ठीक आय कि मय तुमी सपाय चो काजे असने ची बिचार करेंदे, कसनबल्लोने तुमी मोचो मन ने ऐऊन बसलासास, आउर मोचो बन्दी ने आउर नगतखबर चो काजे जबाप आउर सबुत देतो ने तुमी सपाय मोचो संगे अनुग्रह ने शामिल आसास।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

फिलिप्पियो 2:22

मान्तर हुनमन के तो तुमी परकलास आउर जानुन बले गेलासास कि जसन बेटा बुआ चो संगे करू आय, असने ची हुन नगतखबर चो फयलातो ने मोचो संगे मसागत करला।

फिलिप्पियो 4:3

हे सत सहकरमी, मय तुमचो ले बले गुहार करें से कि तुय हुन बायले लेकीमन चो सायता कर, कसनबल्लोने हुनमन मोचो संगे नगतखबर फयलातो ने, क्लेमेंस आउर मचो दुसर सकरमीमन चो संगे मसागत करला से, जोनमन चो नाव जीवन चो किताब ने लिकलोर आसे।

फिलेमोन 1:17

आउर अगर तुय मोके आपलो शामिल समज सीस, तो हुनके ऐ परकार गरहन कर जसन मोके।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

1यूहन्ना 1:3

जोन काई आमीमन दकलु आउर सुनलु से हुनचो खबर तुमके बले देऊ से, ऐईकाजे कि तुमी बले आमचो संगे शामिल हुआ; आउर आमचो ऐ सामिलता बुआ चो संगे आउर हुनचो बेटा ईशु मसीह चो संगे आय।

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।