फिलिप्पियो 1:1 - Halbi

¹ मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

परमेस्वर को सच्चो वचन ख जाननू

¹ मसी यीसु को नउकर पोलुस अर तीमुथियुस कि तरफ से, पूरा सुध्द अदमी हुन को नाम जो मसी यीसु म हो ख फिलिप्पी म रवह हैं, अध्यक्छ हुन अर सेवक हुन मिल ख।

फिलिप्पियो 1:1 Iomraidhean Croise

मरकुस 13:34

ऐ हुन माने चो असन गती आय, जोन परदेश जातो समया आपलो घर के छांडुन जाओ, आउर आपलो दासमन के हक देओ: आउर हरकोनी के हुनचो काम जनालो, आउर बाट राका करू के चेत ने रतोर हुकुम दिलो।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

प्रेरितो 1:20

“भजनगीत ने लिकलोर आसे, ‘हुनचो घर उजरुन जाओ, आउर हुता कोनी नी बसोत,’ आउर ‘हुनचो पद कोनी दुसर धरोत।’

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

प्रेरितो 9:13

हनन्या जबाप दिलो, हे परबु, मय ऐ माने चो बारे ने खुबेमन ले सुनले से कि ऐ यरूशलेम ने तुचो पवितर लोगमन चो संगे बड़े-बड़े खरापमन करलो से;

रोमियो 1:1

पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

1 कुरिन्थियो 16:10

अगर तीमुथियुस ऐऊन जाओ, तेबे दका कि हुन तुमचो थाने निडर रओ; कसनबल्लोने हुन मोचो असन परबु चो कामकरू आय।

2 कुरिन्थियो 1:1

पौलुस चो बाटले जोन माहापुरू चो इच्छा ले मसीह ईशु चो पठालोबिता आय। आउर भाई तीमुथियुस चो बाटले ले माहापुरू चो हुन कलीसिया चो नाव, जोन कुरिन्थुस ने आसे आउर सपाय अखाया चो सपाय पवितर लोगमन चो नाव:

गलातियो 1:10

अदायं मय काय मानेमन के मानु आंय नाहले माहापुरू के? काय मय मानेमन के हरिक करूक चाहा ये से? अगर मय ऐबे तक मानेमन के ची हरिक करते रते तो मसीह चो दास नी होते।

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

इफिसीयो 1:15

ऐई लागुन, मय बले हुन बिश्वास चो खबर सुनुन भाती जोन तुमी लोगमन ने परबु ईशु थाने आसे आउर सपाय पवितर लोगमन उपरे मया चो खबर सुनुन भाती,

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

फिलिप्पियो 2:19

मोके परबु ईशु ने आशा आसे कि मय तीमुथियुस के तुमचो लगे तुरते पटायेंदें; बल्ले तुमचो हाल सुनुन भाती मोके शान्ति मिरो।

फिलिप्पियो 2:5

जसन मसीह ईशु चो बेवहार रली असने ची तुमचो बले बेवहार होओ;

फिलिप्पियो 3:12

ऐ मतलब नुआय कि मय मिराऊन चुकले से, नाहले सिद्ध होऊन चुकले से; मान्तर हुन तीज के धरतो काजे पराते जाऊँ आंय, जेचो काजे मसीह ईशु मोके धरू रलो।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

1 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन माहापुरू बुआ आउर परबु ईशु मसीह ने आसे। अनुग्रह आउर शान्ति तुमके मिरते रओ।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

2 थिस्सलुनीकियो 1:1

पौलुस आउर सिलवानुस आउर तीमुथियुस चो बाटले थिस्लुनिकीमन चो कलीसिया चो नाव, जोन आमचो बुआ माहापुरू आउर परबु ईशु मसीह ने आसे:

2 थिस्सलुनीकियो 1:10

ऐ हुन दिने होये दे, जिदलदाय हुन आपलो पवितर लोगमन ने महिमा पावतो आउर सपाय बिश्वास करतो बितामन ने अकचकित चो कारन होऊक लाय ऐये दे; कसनबल्लोने तुमीमन आमचो गोहई थाने बिश्वास करलास।

1तीमुथियुस 1:2

तीमुथियुस चो नाव जोन बिश्वास ने मोचो सत बेटा आय: बुआ माहापुरू, आउर आमचो परबु मसीह चो बाटले तुके अनुग्रह, आउर दया आउर शान्ति मिरते रओ।

1तीमुथियुस 3:8

असने ची सेवकमन के बले गंभीर होतोर जरूरी आय, दुयरंगी, मतवार आउर नीच कमाई चो लोभीई नी होओ;

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

तीतुस 1:7

कसनबल्लोने अध्यक्ष के माहापुरू चो भण्डारी होतोर लागुन बेकसूर होतोर आसे; ना टेकाहा, ना रीसाआ, ना मतवार, ना मारपेट करू बिता, आउर ना नीच कमाई चो लोभीई होओ,

फिलेमोन 1:1

पौलुस चो बाटले जोन मसीह ईशु चो कयदी आय, आउर भाई तीमुथियुस चो बाटले आमचो लाड़रा सकरमी फिलेमोन,

इब्रानियो 13:23

तुमके ऐ मालुम होओ कि तीमुथियुस, आमचो भाई छुटुन गेलो से आउर अगर हुन झटके ऐयेदे तो मय हुनचो संगे तुमचो ले भेट करेंदे।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

1 पतरस 2:25

कसनबल्लोने तुमी पयले भुलकलो बिती मेंडामन चो असन रलास, मान्तर अदायं आपलो परानमन चो राका करू आउर अध्यक्ष चो लगे फिरून ईलासास।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 2:12

“पिरगमुन चो कलीसिया चो दूत के ऐ लिक: जेचो लगे दुयधारी आउर तेज तलवार आसे, हुन ऐ बलेसे: कि”

प्रकाशितवाक्य 2:8

“स्मुरना चो कलीसिया चो दूत के ऐ लिक: जोन पयला आउर आखरी आय, जोन मरून रये आउर अदायं जीव होलो से, हुन ऐ बलेसे: कि”

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”