मरकुस 2:16 - Halbi

¹⁶ शास्तरीमन आउर फरीसीमन ऐ दकुन भाती कि हुन तो पापीमन आउर उसूली करतो बितामन चो संगे भात खाये से, हुनचो चेलामन ले बल्ला, “हुन तो उसूली करतो बितामन आउर पापीमन चो संगे खाये से पिये से!”

परमेस्वर को सच्चो वचन ख जाननू

¹⁶ सासतिरी हुन अर फरीसी हुन न यु देख ख कि उ तो पापी हुन अर कर लेन वालो को संग खाना खा रहयो हैं, ओखा चेला हुन से कय्हो, “उ तो कर वसुल करन वाला अर पापी हुन को संग खावा पीवा हैं!” उ असा अदमी हुन को संग काहे खावा पीवा हैं, यु असो काहे करा हैं?

मरकुस 2:16 Iomraidhean Croise

मत्ती 18:17

अगर हुन हुनमन चो बले नी माने दे, तेबे कलीसिया ले बोलुन देस, मान्तर अगर हुन कलीसिया चो बले नी माने दे तेबे तुय हुनके दुसर जाति आउर कर धरू बितामन असन जान।

मत्ती 5:46

कसनबल्लोने अगर तुमी आपलो मया संगातो बितामन ची संगे मया संगाआ से, तेबे तुमचो काजे काय फल होयदे? काय कर धरू बिता बले असने नी करू आत?

मत्ती 9:11

ऐ दकुन भाती फरीसीमन हुनचो चेलामन ले बल्ला, “तुमचो गुरू कर धरू बितामन आउर पापीमन चो संगे केंव खायसे?”

मरकुस 2:15

जिदलदाय हुन हुनचो घर ने भात खाऊक बसलो, तेबे खुबे असन उसूली करतो बितामन आउर पापी, ईशु आउर हुनचो चेलामन चो संगे भात खाऊक बसला; कसनबल्लोने हुनमन खुबे असन रवत, आउर हुनचो पाट-पाट होऊ रवत।

मरकुस 2:7

“ऐ माने केंव असन बले से? ऐ तो माहापुरू चो निन्दा करे से! माहापुरू के छांडुन आउर कोन पाप छमा करूक सके?”

लूका 18:11

फरीसी उबा होऊन भाती आपलो मन ने असन पारथना करूक मुरयालो, ‘हे माहापुरू, मय तुचो धन्यबाद करें से कि मय दुसर माने चो असन गलत करतो बिता, ओनियायी आउर बेबीचारी नुआय, आउर ना ऐ कर धरू बितामन चो असन आय।

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

लूका 19:7

ऐ दकुन भाती सपाय लोग गुरमुराऊन भाती बोलुक मुरयाला, “हुन तो गोटक पापी माने चो थाने जाऊन उतर लो से।”

लूका 5:30

ऐ थाने फरीसी आउर हुनमन चो शास्तरी, हुनचो चेलामन ले ऐ बोलुन भाती घुरमुरूक मुरयाला, “तुमी कर धरू बितामन आउर पापीमन चो संगे केंव खाऊ पिऊ आहास?”

प्रेरितो 23:9

तेबे बड़े कोलार होली आउर खिन्डिक शास्तरीमन जोन फरीसीमन चो दल चो रवत, उठून उबा होला आउर ऐ बोलुन भाती झगड़ा होऊक मुरयाला, “आमी ऐ माने ने काई खराबी नी पाऊं, आउर अगर कोनी आत्मा नाहले सरगदूत हुनचो ले बोलु आय तो फेर काय?”

1 कुरिन्थियो 2:15

आत्मिक जन सपाय काई जाचु आय, मान्तर हुन खुद काचीई ले जचाए नी जाये।

इब्रानियो 12:3

ऐईकाजे हुनचो उपरे धिआन करा, जोन आपलो बिरूद ने पापीमन चो ईतलो गोठ-बात सहलो कि तुमी मुरमुरा होऊन भाती साहास नी छांडुन दिआस।