लूका 7:42 - Halbi

⁴² जिदलदाय हुनमन चो लगे पटातो काजे काई नी रये, तेबे हुन दुनो के छमा करून दिलो। ऐईकाजे हुनमन ले कोन हुनचो ले खुबे मया संगा दे?”

परमेस्वर को सच्चो वचन ख जाननू

⁴² जब ओको नजीक लोटानो का कुछ नी रहयो, तो ओ ना दो ही जन का माप कर दियो, एकोलाने ओ म से कऊन ओसे अधिक प्रेम रखेगो?”

लूका 7:42 Iomraidhean Croise

मत्ती 18:27

तेबे हुन दास चो मालिक जीव दुकाऊन भाती हुनके छांडुन दिलो, आउर हुनचो करजा बले छमा करून दिलो।”

मत्ती 18:34

आउर हुनचो मालिक रीस ने ऐऊन भाती हुनके डण्ड देतो बितामन चो हाथ ने सोपुन दिलो, कि जिदलदाय तक हुन सपाय लागा भरून नी देयेंदे, हुदलदाय तक हुनमन चो हाथ ने रओ।

मत्ती 6:12

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

लूका 7:43

शिमोन जबाप दिलो, “मोचो समज ने हुन, जेचो हुन खुबे छांडलो” हुन हुनचो ले बल्लो, “तुय नुकु बिचार करली सीस।”

रोमियो 3:24

मान्तर हुनचो अनुग्रह ले हुन छुटकारा चो बाटले जोन मसीह ईशु ने आसे, सेंत मेंत धरमी ठेबाय जाऊ आत।

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

गलातियो 3:10

ऐईकाजे जितरो लोग नियम चो काममन थाने भरसा संगाऊ आत, हुनमन सपाय शराप चो अधीन आत, कसनबल्लोने लिकलोर आसे, “जोन कोनी नियम चो किताब ने लिकलो बिती सपाय गोठमन चो करतोर ने थीर नी रये, हुन शरापित आय।”

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 4:32

गोटक दुसर उपरे किरपालु आउर करूनामय हुआ, आउर जसन माहापुरू मसीह ने तुमचो अपराध छमा करलो, असने ची तुमी बले गोटक दुसर चो अपराध छमा करा।

कुलुस्सियो 3:13

आउर अगर कोकीई कोचीई उपरे दोष देतोर कोनी कारन आसे, तेबे गोटक दुसर चो सहा आउर गोटक दुसर चो अपराध छमा करा; जसन परबु तुमचो अपराध छमा करलो, असने ची तुमी बले करा।