लूका 4:23 - Halbi

²³ हुन हुनमन के बल्लो, “तुमी मोचो उपरे ऐ कहनी जरूर बोला से कि ‘हे बयद, आपन खुद के चेंगा कर! जोन काई आमी सुनलु से कि कफरनहूम ने कराय गेली से, हुनके ऐथा आपलो देश ने बले कर’।”

परमेस्वर को सच्चो वचन ख जाननू

²³ ओ न ओसे कय्हो, “तुम मोरे पर यु कहलावा अवस्य कहेगो कि ‘हे वैघ, अपन तुम को चोक्खो कर! जो कुछ हम न सुनी हैं कि कफरनहूम म कियो गयो हैं, ओ ख यू अपनो देस म भी कर’।”

लूका 4:23 Iomraidhean Croise

मत्ती 13:54

आउर आपलो नंगर ने ऐऊन भाती हुनमन चो आराधना घर ने हुनमन के असन उपदेश देऊक मुरयालो कि हुनमन अकचकित होऊन भाती बोलुक मुरयाला, “ऐके ऐ गिआन आउर सामरत चो काम काहां ले मिरली?

मत्ती 4:13

आउर हुन नासरत नंगर के छांडुन भाती कफरनहूम नंगर ने जोन झील चो कटा जबूलून आउर नप्ताली चो देश ने आसे जाऊन भाती रऊक मुरयालो।

मत्ती 4:23

आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

मरकुस 6:1

हुता ले निकरून भाती हुन आपलो देश ने ईलो, आउर हुनचो चेलामन बले हुनचो पाट-पाट गेला।

लूका 2:39

जिदलदाय हुनमन परबु चो नियम चो अनुसार सपाय काई पुरा करला तेबे गलील ने आपलो नंगर नासरत ने फेर जाते गेला।

लूका 2:51

तेबे हुन हुनमन चो संगे गेलो, आउर नासरत ने ईलो आउर हुनमन चो वश ने रलो; आउर हुनचो आया ऐ सपाय गोठमन आपलो मन ने संगाली।

लूका 4:16

फेर हुन नासरत ने ईलो, जोन थाने पाला पोसाय जाऊ रलो; आउर आपलो रीति चो अनुसार सब्त चो दिने आराधना घरे जाऊन भाती पड़तो काजे उबा होलो।

लूका 4:31

फेर हुन गलील चो कफरनहूम नंगर ने गेलो; आउर सब्त चो दिने लोगमन के उपदेश देते रलो।

लूका 4:35

ईशु हुनके खिजलो आउर बल्लो, “ओगाय रा, आउर हुन थानले निकरून जा!” तेबे दुष्टआत्मा हुनके मंजी ने आपटून भाती बिना हानि पोंहचाऊन हुनचो थानले निकरली।

लूका 6:42

जिदलदाय तुय आपलो ची आँईक चो चिपड़ा नी दकिस, तेबे आपलो भाई ले कसन बोलुक सकीस, ‘हे भाई; डण्डिक थेब तुचो आँईक ले कचरा के निकराऊन देयें दें’? हे कपटी, पयले आपलो आँईक ले चिपड़ा निकराव, तेबे जोन कचरा तुचो भाई चो आँईक ने आसे, हुनके अच्छा ले दकुन भाती निकराऊक सकसे।

यूहन्ना 4:28

तेबे बायले लेकी आपलो हांडी के छांडुन भाती नंगर ने जाते गेली, आउर लोगमन के बोलुक मुरयाली,

2 कुरिन्थियो 5:16

आउर अदायं ले आमी काकीई देंह चो अनुसार नी समजु। अगर आमीमन मसीह के बले देंह चो अनुसार जानु रलु, तेबले बले अदायं ले हुनके असन नी जानुदें।