लूका 4:18 - Halbi

¹⁸ “परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

परमेस्वर को सच्चो वचन ख जाननू

¹⁸ “प्रभु का आत्मा मोपर हैं, एकोलाने कि ओ ना बिखारी ख सुसमाचार सुनानो का लियो मेरो अभिसेक कियो हैं, अर मो ख ऐको भेजो हैं कि बंदी हुन को छुटकारे का अर अंधो को दृस्टि पानो को चोक्खो प्रचार करुँ अर कुचलो वाला उन ख छुड़ाऊँ,

लूका 4:18 Iomraidhean Croise

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 12:18

“दका, ऐ मोचो सेवक आय, जोन के मय चुनले से; मोचो लाड़रा, जेचो ले मोचो मन हरिक आंसे: मय आपलो आत्मा हुनचो उपरे डालेंदे; आउर हुन दुसर जातिमन के नियाय चो खबर देयदे।

मत्ती 12:20

हुन रमन्दलो बिती राज बड़गीमन के नी टुटायदे, आउर कुमरा देतो बिती बाती के नी लिबायदे, जिदलदाय तक हुन नियाय के परबल नी कराये।

मत्ती 4:16

जोन लोग माहापुरू चो सत के नी जानते रवत हुनमन माहापुरू चो बड़े सत के दकला; आउर जोन मरना चो देश आउर छांय ने बसु रवत, हुनमन उपरे उजर बरली।”

मत्ती 5:3

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

लूका 4:17

यशाया अगम गिआनी चो किताब हुनके दिआय गेली, आउर हुन किताब उगाढुन भाती, हुन जगा निकरालो जोन थाने ऐ लिकलोर रली:

लूका 6:20

तेबे हुन आपलो चेलामन चो बाटे दकुन भाती बल्लो, “धन्य आहास तुमी जोन सीदा आहास, कसनबल्लोने माहापुरू चो राज तुमचो आय।”

लूका 7:22

आउर हुन हुनमन ले बल्लो, “जोन काई तुमी दकलास आउर सुनलासास, जाऊन यूहन्ना के सांगुन दिआस; कि कानामन दक सोत, खोड़ीयामन हिन्डे सोत बुलसोत, कोढ़ी शुद्ध करा जाय सोत, भयरामन सुन सोत, मुरदा जीव पड़ सोत, आउर कंगालमन के नगतखबर सुनाया जाये से।

यूहन्ना 1:41

हुन पयले आपलो खुद भाई शिमोन के भेटुन भाती हुनचो ले बल्लो, “आमके तो ख्रिस्त, बल्लोने मसीह मिरलो।”

यूहन्ना 12:46

मय जगत ने उजर होऊन भाती ईले से बल्ले जोन कोनी मोचो उपरे बिश्वास करदे हुन अंधार ने नी रओ।

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 4:26

परबु आउर मसीह अभिषिक्त चो बिरूद ने धरतनी चो राजा उबा होला, आउर हाकिम गोटक संगे रूंड़ा होऊन गेला।’”

प्रेरितो 4:27

कसनबल्लोने सत-सत तुचो सेवक ईशु चो बिरूद ने, जेचो तुय अभिषेक करलीस, हेरोदेस आउर पुन्तियुस पिलातुस बले दुसर जातिमन आउर इस्राएलीमन चो संगे ऐ नंगर ने रूंड़ा होला,

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।