लूका 3:8 - Halbi

⁸ आउर मन फिराव चो लायक फल आना, आउर आपलो-आपलो मन ने ऐ नी बिचारा कि आमचो बुआ अब्राहाम आय; कसनबल्लोने मय तुमचो ले बलें सें कि माहापुरू ऐ पकनामन ले अब्राहाम चो काजे पिला जनमाऊक सके।

परमेस्वर को सच्चो वचन ख जाननू

⁸ एकोलाने तुम मन फिराव अर ओखा लायक फल लाओ, अर अपनो-अपनो मन म यू मत सोचो कि हमारो बाप अब्राहम आय; काहेकि मी तोसे कहत हूँ कि परमेस्वर इन पत्थर हुन से अब्राहम को लाने अवलाद पैदा कर सक हैं।

लूका 3:8 Iomraidhean Croise

मत्ती 21:43

“ऐईकाजे मय तुमचो ले बलें सें कि माहापुरू चो राज तुमचो ले धरा जाये दे आउर असन जाति के जोन हुनचो फर आनो, दिया जायेदे।

मत्ती 3:8

मन फिरातोर लायक चो फल आना;

मत्ती 3:9

आउर आपलो-आपलो मन ने ऐ नी बिचारा, कि आमचो बुआ अब्राहाम आय; कसनबल्लोने मय तुमचो ले बलेंसे, कि माहापुरू ऐ पकनामन ले अब्राहाम चो काजे पिला जनमाऊक सके।

लूका 13:25

जिदलदाय घर चो मालिक उठून भाती कपाट ढ़ाकुन रओ, आउर तुमी बाहरे उबा होऊन भाती कपाट ठक ठकाऊन भाती बोलुक मुरयाहा, ‘हे परबु, आमचो काजे उगाढुन देस,’ आउर हुन जबाप देओ, ‘मय तुमके नी जाने, तुमी काहां चो आहास?’

लूका 13:26

तेबे तुमी बोलुक मुरयाहा से, ‘आमी तुचो पुरे खादलु पिवलु आउर तुय आमचो हाटमन ने उपदेश दिलीस।’

लूका 14:9

आउर जोन तुके आउर हुनके दुनो के नेवता दिलो से, ऐऊन भाती तुचो ले बोलो, ‘ऐके जगा देस,’ आउर तेबे तुके लाज होऊन भाती सपाय ले खाले जगा ने बोसुक पड़ो।

लूका 19:40

हुन जबाप दिलो, “मय तुमचो ले बलें सें, अगर ये ओगाय रला तो पकना चिचयाऊन उठ दे।”

लूका 19:9

तेबे ईशु हुनचो ले बल्लो, “आजी ऐ घर ने मुक्ति ईली से, ऐईकाजे कि ऐ बले अब्राहाम चो गोटक बेटा आय।

लूका 5:21

तेबे शास्तरी आउर फरीसी बहस करूक मुरयाला, “ऐ कोन आय जोन माहापुरू चो निन्दा करे से? माहापुरू के छांडुन आउर कोन पापमन के छमा करूक सके?”

यूहन्ना 8:33

हुनमन हुनके जबाप दिला, “आमी तो अब्राहाम चो बंश ले आंव, आउर केबीई काचीई दास नी होलु। फेर तुय कसन बोले सीस कि तुमी छुटछाड़ा होऊन जाहा से?”

यूहन्ना 8:39

हुनमन हुनके जबाप दिला, “आमचो बुआ तो अब्राहाम आय।” ईशु हुनमन ले बल्लो, “अगर तुमी अब्राहाम चो पिला होतास, तो अब्राहाम चो असन काम करतास।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

रोमियो 4:16

ऐई कारन बायदा बिश्वास थाने टिकली से कि अनुग्रह चो रीति थाने होओ, कि हुन हुनचो सपाय बंशमन चो काजे जमखम होओ, ना कि मात्र हुनचो काजे जोन नियम बिता आय मान्तर हुनचो काजे बले जोन अब्राहाम चो समान बिश्वास बिता आत; हुनी तो आमी सपाय चो बुआ आय,

रोमियो 9:7

आउर ना अब्राहाम चो बंश होतोर लागुन सपाय हुनचो पिला ठेबोत, मान्तर (लिकलोर आसे) “इसाक ची ले तुचो बंश होये दे।”

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।