लूका 3:11 - Halbi

¹¹ हुन हुनमन के जबाप दिलो, “जेचो लगे दुय ठान कुड़ता आसे, हुन हुनचो संगे जेचो लगे निआय बाटो आउर जेचो लगे भात आसे, हुन बले असने ची करो।”

परमेस्वर को सच्चो वचन ख जाननू

¹¹ ओ न उनका उत्तर दियो, जेका पास दो कुरता हाए, वी ओके संग जेके नजीक नी हैं बाँट ले अर जेके पास खाना हो उ भी असो ही कर हाँ।

लूका 3:11 Iomraidhean Croise

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

लूका 11:41

मान्तर हव, भीतर बिती तीजमन के दान करून दिआस, तेबे दका, सपाय काई तुमचो काजे शुद्ध होये दे।

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

लूका 19:8

जक्कई उबा होऊन भाती परबु ले बल्लो, “हे परबु, दक, मय आपलो आदो धनमाल कंगालमन के देयें दें, आउर अगर काचीई काई बले अनियाय करून धरले से तो हुनके चार दुना लेवटाऊन देये दे।”

यूहन्ना 13:29

यहूदा चो लगे थयली रते रली, ऐईकाजे कोनी-कोनी समजला कि ईशु हुनचो ले बलें सें कि जोन काई आमके परब काजे जरूरत आसे हुन घेनुन धरो, नाहले ऐ कि कंगालमन के काई देओ।

प्रेरितो 10:2

हुन भगत रये, आउर आपलो सपाय घरमन संगे माहापुरू के डरते रलो, आउर यहूदी लोगमन के खुबे दान देते, आउर बराबर माहापुरू ले पारथना करते रये।

प्रेरितो 10:31

आउर बोलुक मुरयालो, हे कुरनेलियुस, तुचो पारथना सुना गेली से आउर तुचो दान माहापुरू चो पुरे सुरता करा गेली से।

प्रेरितो 10:4

हुन हुनके धिआन ले दकलो आउर डरून भाती बल्लो, “हे परबु, काय आय?” हुन हुनके बल्लो, तुचो पारथनामन आउर तुचो दान सुरता काजे माहापुरू चो पुरे अमरली से;

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

1तीमुथियुस 6:17

ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

याकूब 2:14

ऐ मोचो भाईमन, अगर कोनी बलदे कि मोके बिश्वास आसे मान्तर हुन करम नी करो, तेबे ऐचो ले काय लाब? काय असन बिश्वास केबीई हुनचो मुक्ति करूक सके?

1यूहन्ना 3:17

मान्तर जोन कोनी चो लगे संवसार चो धनमाल रओ आउर हुन आपलो भाई के कंगाल दकुन भाती हुनचो उपरे जीव दुकाऊक नी चाह ले, तेबे हुनचो थाने माहापुरू चो मया कसन बनुन रऊक सकु आय?

1यूहन्ना 4:20

अगर कोनी बले दे, “मय माहापुरू ले मया संगाऊ आय,” आउर आपलो भाई ले बईर संगा ओ तो हुन फंदी आय; कसनबल्लोने जोन आपलो भाई ले जेके हुन दकलो से मया नी संगाये, तो हुन माहापुरू ले बले जेके हुन नी दकलो मया नी संगाऊक सके।