लूका 23:16 - Halbi

¹⁶ ऐईकाजे मय हुनके पेटाऊन भाती छांडुन देये से।”

परमेस्वर को सच्चो वचन ख जाननू

¹⁶ एकोलाने मी ओखा पिटवा ख छोड़ देहु हैं।”

लूका 23:16 Iomraidhean Croise

मत्ती 27:26

ऐ थाने हुन बरअब्बा के हुनमन चो काजे छांडुन दिलो, आउर ईशु के कोड़ा माराऊन भाती सोपलो, कि कुरूस थाने चेगाया जाओ।

मरकुस 15:15

तेबे पिलातुस भीड़ के हरिक करतोर इच्छा ले, बरअब्बा के हुनमन काजे छांडुन दिलो, आउर ईशु के कोड़ा लगाऊन भाती सोपलो कि कुरूस ने चेगाया जाओ।

लूका 23:17

पिलातुस परब चो समया हुनमन चो काजे गोटक बंदी के छांड़ तो थाने विवश रये।

लूका 23:22

हुन तीसर हार हुनमन ले बल्लो, “केंव, हुन असन काय गलती करलो से? मय हुनचो थाने मरना चो डण्ड लायक कोनी गोठ नी पावले। ऐईकाजे मय हुनके पेटाऊन भाती छांडुन देयें सें।”

लूका 6:37

“दोष नी लगाआ, तेबे तुमचो उपरे बले दोष नी लगा दे। दोषी नी ठेबाआ, तेबे तुमी बले दोषी नी ठेबा से। छमा करा, तेबे तुमके बले छमा कर दे।

प्रेरितो 16:37

मान्तर पौलुस हुनमन चो ले बल्लो, “हुनमन आमके जोन रोमि माने आंव, दोषी ठेबालो नाहलोर लोगमन चो पुरे मारला आउर जयलघर ने ढ़ाकला। अदायं काय आमके खुसराय निकराय सोत? असन नाई; मान्तर हुनमन खुद ऐऊन भाती आमके बाहरे निकराओत।”