लूका 17:6 - Halbi

⁶ परबु बल्लो, “अगर तुमके राई चो दाना चो बराबर बले बिश्वास होती, तेबे तुमी ऐ सहतूत चो रूक ले बोलतास कि चेर ले उकनी होऊन भाती समुन्द ने गाड़ी हो, तेबे हुन तुमचो मानती।

परमेस्वर को सच्चो वचन ख जाननू

⁶ प्रभु न कई, “अदि तुम ख राई को दाना को बराबर भी विस्वास होतो, ते तुम यू सहतूत को झाड़ से कहता कि जड़ से उखड़ जा अर समुंदर म लग जा, ते उ तुम्हारी मान लेतो।

लूका 17:6 Iomraidhean Croise

मत्ती 14:29

ईशु बल्लो, “आव!” तेबे पतरस ड़ोंगा थानले उतरून भाती ईशु चो लगे जातो काजे पानी थाने हिन्डुक मुरयालो।

मत्ती 17:20

हुन हुनमन ले बल्लो, “आपलो बिश्वास चो कमी चो लागुन, कसनबल्लोने मय तुमचो ले सते बलेंसें, अगर तुमचो बिश्वास राई चो बीज चो बराबर बले होती, तेबे ऐ डोंगरी ले बोलुक सका से, ‘ऐथा ले सरकुन भाती हुता जा’, तो हुन जायेदे; आउर कोनी गोठ तुमचो काजे मशकिल नी होये।

मत्ती 21:21

ईशु हुनमन के जबाप दिलो, “मय तुमचो ले सते बलें सें, अगर तुमी बिश्वास संगाहा आउर संका नी करा, तेबे ना मात्र ऐ करा से जोन ऐ अंजीर चो रूक ले करा गेली से, मान्तर अगर ऐ डोंगरी ले बले बला से, ‘उखनी हो आउर समुन्द ने जाऊन पड़’, तेबे ऐ होये दे।

मरकुस 4:31

हुन राई चो बीजमन चो असन आय; जिदलदाय भूईं ने बुना जाऊ आय तेबे भूईं चो सपाय बीजमन ले नानी होऊ आय,

मरकुस 9:23

ईशु हुनचो ले बल्लो, “अगर तुय करूक सकीस? ऐ काय गोठ आय! बिश्वास करतो बितामन चो काजे सपाय काई होऊक सके।”

लूका 13:19

हुन राई चो गोटक दाना चो असन आय, जेके कोनी माने धरून भाती आपलो पदर ने बुनलो: आउर हुन बाडुन भाती रूक होली; आउर बादरी चो चड़ीईमन हुनचो खेंदामन उपरे डेरा डालला।”

लूका 17:7

“तुमचो थानले असन कोन आय, जेचो दास नांगर फान्दतो नाहले मेंडामन चराते रओ, आउर जिदलदाय हुन बेड़ा ले ऐओ, तेबे हुनचो ले बोलो, ‘तुरते ऐऊन भाती भात खाऊक बस’?

लूका 19:4

तेबे हुनके दकतो काजे हुन पुरे पराऊन भाती गोटक डुमर चो रूक ने चेगलो, कसनबल्लोने ईशु हुनी बाटले जातो बिता रये।

लूका 7:13

हुनके दकुन भाती परबु के जीव दुकली, आउर हुनचो ले बल्लो, “नी गाग।”

लूका 7:19

तेबे यूहन्ना आपलो चेलामन ले दुय झान के हाग देउन भाती परबु चो लगे ऐ पचारतो काजे पठालो, “काय ऐतो बिता तुय ची आस, नाहले आमी कोनी दुसर चो बाट दकु आंव?”

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।