लूका 11:4 - Halbi

⁴ ‘आउर आमचो पापमन के छमा कर, कसनबल्लोने आमी बले आपलो हरकोनी अपराधी के छमा करू आंव, आउर आमके परीक्षा ने नी आन।’”

परमेस्वर को सच्चो वचन ख जाननू

⁴ अर हमरा पाप हुन ख माप करयो, काहेकि हम भी अपन हर एक अपराधी का माप करा हैं, अर हमका परीक्छा म मत ला।

लूका 11:4 Iomraidhean Croise

मत्ती 18:35

“असने परकार अगर तुमचो थानले सपाय गोटक आपलो भाई के मन ले छमा नी करेंदे, तेबे मोचो बुआ जोन सरग ने आसे, तुमचो संगे बले असने ची करेंदे।”

मत्ती 26:41

चेता राहा, आउर पारथना करते राहा कि तुमी परीक्षा ने नी पड़ा! आत्मा तो तिआर आसे, मान्तर देंह कमजोर आसे।”

लूका 11:5

तेबे हुन हुनमन ले बल्लो, “तुमचो ने कोन आय कि हुनचो गोटक मित होओ, आउर हुन अधघर राती हुनचो लगे जाऊन भाती हुनचो ले बोलो, ‘हे मीत; मोके तीन ठान रोटीमन देस।

लूका 13:4

नाहले, काय तुमी समजेसास कि हुनमन अठारा झान जोनमन उपरे शीलोह चो गुबा घसरली, आउर हुनमन चेपाय होऊन भाती मरून गेला: यरूशलेम चो आउर सपाय रतो बितामन ले आगर अपराधी रवत?

लूका 22:46

आउर हुनमन ले बल्लो, “काय काजे सोयसास? उठा, पारथना करा कि परीक्षा ने नी पड़ा।”

लूका 8:13

पकना उपर चो हुनमन आत कि जिदलदाय सुनु आत, तेबे हरिक ले बचन के गरहन तो करू आत, मान्तर चेर नी धरलो ले हुनमन खिन्डिक समया ले बिश्वास संगाऊ आत आउर परीक्षा चो बेरा बहकुन जाऊ आत।

यूहन्ना 17:15

मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव।

1 कुरिन्थियो 10:13

तुमी कोनी असन परीक्षा ने नी पढ़लास, जोन माने चो सहन ले बाहार आय। माहापुरू बिश्वास लायक आय आउर हुन तुमके सामरत ले बाहरे परीक्षा ने नी पडुक देयेदे, मान्तर परीक्षा चो संगे निकास बले करेदे कि तुमी सऊक सका।

कुलुस्सियो 3:13

आउर अगर कोकीई कोचीई उपरे दोष देतोर कोनी कारन आसे, तेबे गोटक दुसर चो सहा आउर गोटक दुसर चो अपराध छमा करा; जसन परबु तुमचो अपराध छमा करलो, असने ची तुमी बले करा।

2 थिस्सलुनीकियो 3:3

मान्तर परबु बिश्वास लायक आय हुन तुमके बरसक ले थीर करेदे आउर हुन दुष्ट ले बचाऊन संगायदे।

2 तीमुथियुस 4:18

आउर परबु मोके हरकोनी खराप काम ले बचाए दे, आउर आपलो सरग राज ने अच्छा ले अमराय दे। हुनचेई महिमा जुग-जुग होते रओ। आमीन।

याकूब 2:13

कसनबल्लोने जोन दया नी करलो, हुनचो नियाय बिना दया चो होयेदे। दया नियाय थाने जयवन्त होऊ आय।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”