लूका 1:2 - Halbi

² जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

परमेस्वर को सच्चो वचन ख जाननू

² जसो कि उनना जे पहलो से ही या बात हुन ख देखन वाला अर वचन ख सेवक हता, हमारो तक पहुँचायो।

लूका 1:2 Iomraidhean Croise

मरकुस 1:1

माहापुरू चो बेटा ईशु मसीह चो नगतखबर चो मुर।

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

मरकुस 4:14

बुनतो बिता बचन बुनु आय।

लूका 24:48

तुमी ऐ सपाय गोठमन चो गोहई आहास।

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

यूहन्ना 16:4

मान्तर ऐ गोठमन मय ऐईकाजे तुमचो ले बल्ले कि जिदलदाय ऐ मन चो समया ऐओ तेबे तुमके सुरता ऐऊन जाओ कि मय तुमचो ले पयले ची बोलुन देऊ रये।” “मय मुर ले तुमचो ले ऐ गोठमन ऐईकाजे नी बल्ले कसनबल्लोने मय तुमचो संगे रये।

प्रेरितो 1:3

आउर हुन दुख उठालोर पाचे खुबे असन पक्का सबुतमन ले आपन खुद के हुनमन के जीवता दकालो, आउर चालीस दिन ले हुन हुनमन के दका देते रलो, आउर माहापुरू चो राज चो गोठमन करते रलो।

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 14:25

फेर पिरगा ने बचन सुनाऊन भाती अत्तलिया ने ईला।

प्रेरितो 16:6

हुनमन फ्रुगिया आउर गलातिया परदेशमन ले होऊन भाती गेला, कसनबल्लोने पवितर आत्मा हुनमन के आसिया ने बचन सुनातो ले मना करलो।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

प्रेरितो 26:16

मान्तर तुय उठ, आपलो पाँयमन ने उबा हो; कसनबल्लोने मय तुके ऐईकाजे दरशन दिले से कि तुके हुन गोठमन चो बले सेवक आउर गोहई ठेबायें, जोन तुय दकली सीस, आउर हुनमन चो बले जोनमन काजे मय तुके दरशन देयें दें।

प्रेरितो 4:20

“कसनबल्लोने ऐ तो आमचो ले होऊक नी सके कि जोन आमी दकलु आउर सुनलु, हुन नी बोलु।”

प्रेरितो 8:4

जोन जतखत होऊन रवत, हुनमन नगतखबर सुनाते बुल्ला;

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

1 कुरिन्थियो 4:1

माने आमके मसीह चो सेवक आउर माहापुरू चो भेदमन चो भण्डारी समजोत।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

2 पतरस 1:16

कसनबल्लोने जिदलदाय आमीमन तुमके आपलो परबु ईशु मसीह चो सामरत चो आउर आगमन चो खबर देऊ रलु, तेबे हुन चलाक ले घड़लो बिती कहनीमन चो नकल नी रली मान्तर आमीमन खुद ची हुनचो परताप के दकु रलु।