यूहन्ना 7:12 - Halbi

¹² आउर लोगमन ने हुनचो बारे ने खुसखुसा खुबे असन गोठमन होली कितलो बोलते रवत, “हुन अच्छा मनुक आय।” आउर कितलो बोलते रवत, “नाई, हुन लोगमन के भरमाऊ आय।”

परमेस्वर को सच्चो वचन ख जाननू

¹² भीड़ म यीसु को बारे म खुब चाली-चुगली होवत रहा। “उ एक अच्छो अदमी हैं, कुछ इंसान हुन न बोल्यो। नी, दुसरा न बोल्यो, उ इंसान हुन ख बेकुप बनावा हैं।”

यूहन्ना 7:12 Iomraidhean Croise

मत्ती 10:25

चेला के गुरू चो, आउर दास के मालिक चो बराबर होतोर ची खुबे आय। जिदलदाय हुनमन घर चो मालिक के शयतान बल्ला तेबे हुनचो घर बितामन के केंव नी बलदे।”

मत्ती 21:46

आउर हुनमन हुनके धरूक चाहला, मान्तर लोगमन ले डरला कसनबल्लोने हुनमन हुनके अगम गिआनी मानते रवत।

मत्ती 27:63

“हे मालिक, आमके सुरता आसे कि हुन भरमातो बिता जिदलदाय हुन जीव रलो, बोलुन रलो, ‘मय तीन दिन चो पाचे जीव उठेंदें।’

लूका 18:19

ईशु हुनचो ले बल्लो, “तुय मोके बड़ीया केंव बोल सीस? कोनी उत्तम नुआत, मात्र गोटक बल्लोने माहापुरू।

लूका 23:47

सुबेदार जोन काई होऊ रये दकुन भाती माहापुरू चो बड़ाई करलो, आउर बल्लो, “बिलकुल ऐ माने धरमी रलो।”

लूका 23:50

हुता यूसुफ नाव चो माहासभा चो गोटक सदस्य रये जोन सियान आउर धरमी माने रये,

लूका 6:45

अच्छा माने आपलो मन चो अच्छा भण्डार ले अच्छा गोठमन निकराऊ आय, आउर खराप माने आपलो मन चो खराप भण्डार ले खराप गोठमन निकराऊ आय; कसनबल्लोने जोन मन ने भरली से हुनी हुनमन चो मुंह ने ऐऊ आय।

लूका 7:16

ऐचो ले सपाय के डर चेपाली, आउर हुनमन माहापुरू चो बड़ाई करून बोलुक मुरयाला, “आमचो मंजी ने गोटक बड़े अगम गिआनी उठलो से, आउर माहापुरू आपलो लोगमन उपरे दयाधरम करलो से।”

यूहन्ना 6:14

तेबे जोन अकचकित काम हुन करून दकालो हुनके हुन लोगमन दकुन भाती बोलुक मुरयाला, “हुन अगम गिआनी जोन जगत ने ऐतो बिता रये बिलकुल ऐई आय।”

यूहन्ना 7:32

फरीसीमन लोगमन के हुनचो बारे ने ऐ गोठमन खुसखुसा करतोर सुनला; आउर परधान याजकमन आउर फरीसीमन हुनके धरतो काजे पलटन पठाला।

यूहन्ना 7:47

फरीसीमन हुनमन के जबाप दिला, “काय तुमी बले भरमाया गेलासास?

यूहन्ना 7:52

हुनमन हुनके जबाप दिला, “काय तुय बले गलील चो आस? डगराव आउर दक कि गलील ले कोनी अगम गिआनी उजागर नी होओत।”

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।

प्रेरितो 11:24

हुन गोटक अच्छा माने रलो, आउर पवितर आत्मा आउर बिश्वास ले समपूरन रलो; आउर दुसर खुबे असन लोग परबु ने ऐऊन मिसला।

रोमियो 5:7

कोनी धरमी जन चो काजे कोनी मरो, ऐ तो सादा आय; मान्तर होऊक सके कोनी अच्छा माने चो काजे कोनी मरतोर बले हिम्मत करोत।

फिलिप्पियो 2:14

सपाय काम बिना घुरमुरून आउर बिना झगड़ा चो करा,