यूहन्ना 4:10 - Halbi

¹⁰ ईशु जबाप दिलो, “अगर तुय माहापुरू चो बरदान के जानतीस आउर ये बले जानतीस कि हुन कोन आय जोन तुचो ले बलें सें, ‘मोके पानी पिआव,’ तेबे तुय हुनचो ले मांगतीस, आउर हुन तुके जीवना चो पानी देतो।”

परमेस्वर को सच्चो वचन ख जाननू

¹⁰ यीसु न जवाब दियो, “अदि तू परमेस्वर को वरदान ख जानती, अर या भी जानती कि उ कोन आय, जो तोसे बोल रयो हैं, मो ख पानी पिला, ते तू ओसे माँगत, अर उ तोखा जिन्दगी को पानी देतो।”

यूहन्ना 4:10 Iomraidhean Croise

लूका 11:13

बल्ले जिदलदाय तुमी खराप होऊन भाती आपलो पिलामन के अच्छा तीजमन देऊक जानास, तेबे सरग चो बुआ आपलो मांगतो बितामन के पवितर आत्मा केंव नी देये।”

यूहन्ना 16:3

असन हुनमन ऐईकाजे कर दे कि हुनमन ना बुआ के जानला से आउर ना मोके जानोत।

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 6:35

ईशु हुनमन ले बल्लो, “जीवना चो रोटी मय आय: जोन मोचो लगे ऐऊ आय हुन केबीई भूके नी होये, आउर जोन मोचो उपरे बिश्वास करू आय हुन केबीई पिआस नी होये।

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

प्रेरितो 9:11

तेबे परबु हुनचो ले बल्लो, उठून भाती हुन खोरी ने जा जोन सीदा बलाया जाऊ आय, आउर यहूदा चो घर ने शाऊल नाव चो गोटक तरसुस चो रतो बिता के पुच; कसनबल्लोने दक, हुन पारथना करे से,

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 10:4

आउर सपाय गोटक ची आत्मिक पानी पिवला, कसनबल्लोने हुनमन हुन आत्मिक पकना ले पिवते रवत जोन हुनमन चो संगे-संगे जाते रली, आउर हुन पकना मसीह रये।

2 कुरिन्थियो 9:15

माहापुरू चो, हुनचो हुन दान चो काजे जोन बरनन ले बाहरे आसे, धन्यबाद होओ।

इफिसीयो 2:8

कसनबल्लोने बिश्वास चो दुवारा अनुग्रह ची ले तुमनमन चो मुक्ति होली से; आउर ऐ तुमचो बाटले नुआय, मान्तर माहापुरू चो दान आय,

इब्रानियो 6:4

कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से,

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”

प्रकाशितवाक्य 7:17

कसनबल्लोने मेमना जोन सिंघासन चो मंजी ने आसे हुनमन चो राका करेदे, आउर हुनमन के जीव रूपी पानी चो सतानमन चो लगे धरून नेयेदे; आउर माहापुरू हुनमन चो आँईकमन ले सपाय आँसु फुछुन देयदे।