यूहन्ना 3:5 - Halbi

⁵ ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

परमेस्वर को सच्चो वचन ख जाननू

⁵ यीसु न जवाब दियो, “मी तोसे सच्ची-सच्ची कहूँ हैं, जब लक कोई इंसान पानी अर आत्मा से जनम नी लेन को तब लक उ परमेस्वर को राज म नी जा सकन को।

यूहन्ना 3:5 Iomraidhean Croise

मत्ती 18:3

आउर बल्लो, “मय तुमचो ले सते बलें सें कि जिदलदाय ले तुमी नी फिरास आउर लेकामन चो असन नी बनास, तुमी सरग चो राज ने ओलुक नी सका से।

मत्ती 19:24

तुमचो ले फेर बलेंसें कि माहापुरू चो राज ने सवकार चो ओलतोर ले ऊंट चो सुजी चो नाका थानले निकरून जातोर सरल आय।”

मत्ती 21:31

ऐ दुनो झान ने कोन बुआ चो इच्छा पुरा करलो?” हुनमन बल्ला, “पयला।” ईशु हुनमन ले बल्लो, “मय तुमचो ले सते बलें सें कि कर धरू बिता आउर बेश्यामन तुमचो ले पयले माहापुरू चो राज ने ओले सोत।

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 3:11

“मय तो पानी ले तुमके मन फिराव चो डूबन देयेंसे, मान्तर जोन मोचो पाचे ऐतो बिता आय, हुन मोचो ले आगर शक्तिशाली आय; मय हुनचो पनही उठातोर लायक नुआय, हुन तुमके पवितर आत्मा आउर आईग ले डूबन देयदे।

मत्ती 5:20

कसनबल्लोने मय तुमचो ले बलेंसे, कि अगर तुमचो धारमिकता शास्तरीमन आउर फरीसीमन चो धारमिकता ले बडुन भाती नी होओ, तेबे तुमी सरग चो राज ने केबे ओलुक नी सकासे।

मरकुस 10:14

ईशु ऐ दकुन रीस होऊन भाती हुनमन ले बल्लो, “लेकामन के मोचो लगे ऐऊक दिआस आउर हुनमन के माना नी करा, कसनबल्लोने माहापुरू चो राज असने मन चो आय।

मरकुस 16:16

जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

मरकुस 9:47

अगर तुचो आँईक तुके ठोकरना खुआ ये दे तेबे हुनके निकराऊन पकाव। काना होऊन भाती माहापुरू चो राज ने ओलतोर तुचो काजे ऐचो ले अच्छा आय कि दुय आँईक रते-रते तुय नरक ने पकाया जासे।

लूका 13:24

“साकुड़ बाट ले ओलतोर कोशिश करा, कसनबल्लोने मय तुमचो ले बलें सें कि खुबे असन ओलतोर मन कर दे, आउर नी करूक सक दे।

लूका 13:3

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।

लूका 13:5

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।”

यूहन्ना 1:13

हुनमन ना तो लऊ ले, ना देंह चो इच्छा ले, ना माने चो इच्छा ले, मान्तर माहापुरू ले उपजास होला से।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 3:4

नीकुदेमुस हुनचो ले बल्लो, “माने जिदलदाय डोकरा होऊन गेलो, तो कसन जनमुक सके दे? काय हुन आपलो आया चो गरब ने दुसरहार परवेश करून भाती जनमुक सकु आय?”

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 15:50

हे भाईमन, मय ऐ बलें सें कि मास आउर लऊ माहापुरू चो राज चो अधिकारी नी होऊक सकोत, आउर नाशवान अमरता चो अधिकारी होऊक सके।

1 कुरिन्थियो 2:12

मान्तर आमीमन ने संवसार चो आत्मा नाई, मान्तर हुन आत्मा पावलु से जोन माहापुरू चो बाटले आय कि आमी हुन गोठमन के जानु जोन माहापुरू आमके दिलो से।

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

गलातियो 6:15

कसनबल्लोने ना खतना आउर ना खतना नी करलो काई आत, मान्तर नवा ब्रमांड।

इफिसीयो 5:26

कि हुनके बचन चो दुवारा पानी चो नाहलो ले शुद्ध करून पवितर बनाओ,

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1यूहन्ना 2:29

अगर तुमी जानेसास, कि हुन धरमी आय, तेबे ऐ बले जाना कि जोन कोनी धरम चो कामकरू आय हुन हुनचो ले जनम लो से।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।