यूहन्ना 3:2 - Halbi

² हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

परमेस्वर को सच्चो वचन ख जाननू

² उ रात म यीसु को जोने आयो अऊर बोल्यो, “अरे गुरू हम जाना हैं कि तू परमेस्वर कि तरफ से आयो वालो गुरू हैं। तू जो हईब ख चिन्ह दिखावा हैं, उनका कोई तब लक नी दिखा सका, जब लक की परमेस्वर ओको संग म नी होय।”

यूहन्ना 3:2 Iomraidhean Croise

मत्ती 22:16

आउर हुनमन आपलो चेलामन के हेरोदीमन चो संगे हुनचो लगे ऐ बोलुक पठाला, “हे गुरू, आमी जानु कि तुय सत आस, आउर माहापुरू चो बाट सत धरम ले सिकाऊ आस, आउर काचीई फिकर नी करीस, कसनबल्लोने तुय मानेमन चो थोमना दकुन भाती गोठ नी गोठयाईस।

मत्ती 23:7

हाटमन ने जुहार, आउर मानेमन ने रब्बी बलाय होतोर हुनमन के भाऊ आय।

मत्ती 23:8

मान्तर तुमी रब्बी नी बलाय हुआ, कसनबल्लोने तुमचो गोटक ची गुरू आसे, आउर तुमी सपाय भाई आस।

मरकुस 12:14

हुनमन ऐऊन भाती हुनचो ले बल्ला, “हे गुरू, आमी जानु, कि तुय सत आस, आउर काचीई फिकर नी करीस; कसनबल्लोने तुय मानेमन चो थोमना दकुन भाती गोठ नी गोठयाईस, मान्तर माहापुरू चो बाट सत धरम ले सांगु आस। तेबे काय राजा के कर देतोर नगत आय कि नुआय?

यूहन्ना 1:38

ईशु पलटून भाती हुनमन के पाटे ऐ तो के दकलो आउर हुनमन ले बल्लो, “तुमी काचो डगर ने आसास?” हुनमन हुनचो ले बल्ला, “ऐ रब्बी (बल्लोने हे गुरू), तुय काहां रऊ आस?”

यूहन्ना 10:38

मान्तर अगर मय करू आय, तो भले मोचो बिश्वास नी बले करा, मान्तर हुन काममन चो तो बिश्वास करा, बल्ले तुमी जाना आउर समजा कि बुआ मोचो ने आसे आउर मय बुआ ने आसे।”

यूहन्ना 12:37

हुन हुनमन चो पुरे ईतलो चिना दकालो, तेबले बले हुनमन हुनचो उपरे बिश्वास नी करला;

यूहन्ना 14:10

काय तुय बिश्वास नी करीस कि मय बुआ ने आंसे आउर बुआ मचो थाने आसे? ऐ गोठमन जोन मय तुमके बलें सें, आपलो बाटले नी बोलें, मान्तर बुआ मोचो थाने रऊन भाती आपलो कामकरू आय।

यूहन्ना 15:24

अगर मय हुनमन थाने हुन काम नी करते जोन आउर कोनी नी करला, तेबे हुनमन पापी नी ठेबता; मान्तर अदायं तो हुनमन मोके आउर मोचो बुआ दुनो के दकला आउर दुनो ले बईर करला।

यूहन्ना 2:11

ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

यूहन्ना 20:16

ईशु हुनके बल्लो, “मरियम!” हुन पाटे पलटून भाती हुनचो ले इब्रानी ने बल्लो, “रब्बूनी!” बल्लोने “हे गुरू।”

यूहन्ना 3:26

आउर हुनमन यूहन्ना चो लगे ऐऊन भाती हुनचो ले बल्ला, “हे गुरू, जोन माने यरदन लंदी चो हुनपाट तुचो संगे रये, आउर जेचो तुय गोहई दिली सीस; दक, हुन डूबन देऊ आय, आउर सपाय हुनचो लगे ऐऊ आत।”

यूहन्ना 4:31

ऐई मंजी हुनचो चेलामन ईशु के ऐ गुहार करला, “हे रब्बी, काई खा।”

यूहन्ना 5:36

मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।

यूहन्ना 6:2

आउर गोटक बड़े भीड़ हुनचो पाटे होला कसनबल्लोने जोन अकचकित काम हुन बेमारीमन उपरे दकाते रये हुनमन हुनमन दकते रवत।

यूहन्ना 7:31

फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 2:22

“हे इस्राएलीमन, ऐ गोठमन सुना ईशु नासरी गोटक माने रलो जेचो माहापुरू चो बाटले होतोर सबुत हुन सामरत चो काममन आउर अकचकित चो काममन आउर चिनामन ले उजागर आसे, जोन माहापुरू तुमचो मंजी हुनचो बाटले करून दकालो जेके तुमी खुदे ची जानेसास।”

फिलिप्पियो 1:14

आउर परबु ने जोन भाई आत, हुनमन थानले खुबे मोचो कयद होतोर कारन, हिम्मत बान्दुन भाती माहापुरू चो बचन बेधड़क सुनातोर आउर बले साआस करू आत।