यूहन्ना 2:11 - Halbi

¹¹ ईशु गलील चो काना गाँव ने आपलो ऐ पयला चिना दकाऊन भाती आपलो महिमा उजागर करलो आउर हुनचो चेलामन हुनचो उपरे बिश्वास करला।

परमेस्वर को सच्चो वचन ख जाननू

¹¹ यीसु न अपनो यू पहिलो अदभुत चिन्ह गलील को काना सहर म दिखायो असो तरीका से ओ ना खुद ख उजागर करियो अर ओ ख चेला हुन न ओको पर भरोसा करयो।

यूहन्ना 2:11 Iomraidhean Croise

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।

यूहन्ना 1:43

दुसर दिने ईशु गलील जाऊक चाह लो। हुन फिलिप्पुस ले भेट होलो आउर बल्लो, “मोचो पाटे होऊन जा।”

यूहन्ना 1:50

ईशु हुनके जबाप दिलो, “मय जोन तुचो ले बल्ले कि मय तुके अंजीर चो रूक चो खाले दकले, काय तुय ऐईकाजे बिश्वास करू आस? तुय ऐचो ले बले बड़े-बड़े काम दक से।”

यूहन्ना 10:41

खुबे असन लोग हुनचो लगे ऐऊन भाती बोलते रवत, “यूहन्ना तो काई चिना नी दकालो, मान्तर जोन काई यूहन्ना ऐचो बारे ने बोलु रलो, हुन सपाय सत रली।”

यूहन्ना 11:15

आउर मय तुमचो लागुन हरिक आंसे कि मय हुता नी रले जोन के तुमी बिश्वास करा। मान्तर अदायं ईआ, आमी हुनचो लगे जाऊँ।”

यूहन्ना 11:47

ऐ थाने परधान याजकमन आउर फरीसीमन बड़े सभा हाग दीला, आउर बल्ला, “आमी करू आंव काय? ऐ माने तो खुबे चिना दकाऊ आय।

यूहन्ना 12:18

येई लागुन लोग हुनके भेट करूक ऐऊ रला कसनबल्लोने हुनमन सुनुन रओत कि हुन ये अकचकित काम दकालो से।

यूहन्ना 12:37

हुन हुनमन चो पुरे ईतलो चिना दकालो, तेबले बले हुनमन हुनचो उपरे बिश्वास नी करला;

यूहन्ना 12:41

यशाया ऐ गोठमन ऐईकाजे बल्लो कि हुन हुनचो महिमा दकलो, आउर हुन हुनचो बारे ने गोठयालो।

यूहन्ना 14:13

जोन बले तुमी मोचो नाव ले मांगा से, हुनी मय करें दें कि बेटा चो बाटले बुआ चो महिमा होओ।

यूहन्ना 16:27

कसनबल्लोने बुआ तो खुदे ची तुमचो ले मया संगाऊ आय, ऐईकाजे कि तुमनमन मोचो ले मया संगालासास आउर ऐ बले बिश्वास करलासास कि मय बुआ चो बाटले ईले से।

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 2:1

फेर तीसर दिने गलील नंगर चो काना गाँव ने काचीई बिआ रये, आउर ईशु चो आया बले हुता रली।

यूहन्ना 2:23

जिदलदाय हुन यरूशलेम ने फसह चो समया तिआर ने रलो, तेबे खुबे लोगमन हुन चिनामन के जोन हुन दकाते रये दकुन भाती हुनचो नाव ने बिश्वास करला।

यूहन्ना 3:2

हुन राती दाय ईशु चो लगे ऐऊन भाती हुनचो ले बल्लो, “हे रब्बी, आमी जानु से कि तुय माहापुरू चो बाटले गुरू होऊन भाती ईली सीस, कसनबल्लोने कोनी ऐ चिनामन के जोन तुय दकाय सीस, अगर माहापुरू हुनचो संगे नी रवो तो नी दकाऊक सकतीस।”

यूहन्ना 4:3

तेबे हुन यहूदिया के छांडुन भाती फेर गलील ने गेलो,

यूहन्ना 4:46

तेबे हुन फेर गलील नंगर चो काना गाँव ने ईलो, जोन थाने हुन पानी के अंगुर रस बनाऊ रये। हुता राजा चो गोटक काम करतो बिता रये जेचो बेटा कफरनहूम ने बेमार रये।

यूहन्ना 4:54

ऐ दुसरा अकचकित काम रये जोन ईशु यहूदिया ले गलील नंगर ने ऐऊन भाती दकालो।

यूहन्ना 5:23

कि सपाय लोग जसन बुआ चो मान करू आत असने ची बेटा चो बले मान करोत। जोन बेटा चो मान नी करे, हुन बुआ चो जोन हुनके पठालो से, मान नी करे।

यूहन्ना 6:14

तेबे जोन अकचकित काम हुन करून दकालो हुनके हुन लोगमन दकुन भाती बोलुक मुरयाला, “हुन अगम गिआनी जोन जगत ने ऐतो बिता रये बिलकुल ऐई आय।”

यूहन्ना 6:2

आउर गोटक बड़े भीड़ हुनचो पाटे होला कसनबल्लोने जोन अकचकित काम हुन बेमारीमन उपरे दकाते रये हुनमन हुनमन दकते रवत।

यूहन्ना 6:26

ईशु हुनमन के जबाप दिलो, “मय तुमचो ले सत-सत बलें सें, तुमी मोके ऐईकाजे नी डगरायसास कि तुमी अकचकित काम दकलास, मान्तर ऐईकाजे कि तुमी रोटीमन खाऊन भाती संतुष्ट होलास।

यूहन्ना 6:30

तेबे हुनमन हुनके बल्ला, “फेर तुय कोन बिती चिना दकाय सीस कि आमी हुनके दकुन भाती तुचो बिश्वास करू? तुय कोन बिती काम दकाय सीस?

यूहन्ना 7:31

फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

यूहन्ना 9:16

ऐ थाने कितलो फरीसी बोलुक मुरयाला, “ऐ माने माहापुरू चो बाटले नुआय, कसनबल्लोने हुन सब्त चो दिन के नी माने।” दुसरमन बल्ला, “पापी मनुक असन चिना कसन दकाऊक सकु आय?” आउर हुनमन ने फुट पड़ली।

2 कुरिन्थियो 3:18

मान्तर जिदलदाय आमी सपाय चो उगाढ़लोर मुंह ले परबु चो तेज असन परकार परकट होऊ आय, जोन परकार दरपन ने, तेबे परबु चो बाटले जोन आत्मा आसे, आमी हुनी तेजमय रूप ने भाग-भाग करून बदलते जाऊ आंव।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

2 कुरिन्थियो 4:6

ऐईकाजे कि माहापुरू ची आय, जोन बल्लो, “अंधार थानले उजर बरो,” आउर हुनी आमचो मन-मन ने बरली कि माहापुरू चो महिमा चो पयचान चो उजर ईशु मसीह चो थोमना ले उजर होओ।

1यूहन्ना 5:13

मय तुमके, जोन माहापुरू चो बेटा चो नाव थाने बिश्वास करू आहास, ऐईकाजे लिकलोर आसे कि तुमी जाना कि अमर जीवना तुमचो आय।