यूहन्ना 14:3 - Halbi

³ आउर अगर मय जाऊन भाती तुमचो काजे जगा तिआर करें दें, तेबे फेर ऐऊन भाती तुमके आपलो थाने धरून जायें दें कि जोन थाने मय रयें दे हुता तुमी बले राआ।”

परमेस्वर को सच्चो वचन ख जाननू

³ अर अदि मी जा ख तुमरो लाने जगह तैयार करुँ, ते फिर आ ख तुमका अपनो यहाँ लेका जाऊँगो कि जीते मी रहू ओमा तुम भी रहो।

यूहन्ना 14:3 Iomraidhean Croise

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

यूहन्ना 14:28

तुमी सुनलासास कि मय तुमचो ले बल्ले, ‘मय जायें सें, आउर तुमचो लगे फेर ऐयें दें।’ अगर तुमी मोचो ले मया संगातास, तेबे ऐ गोठ ले हरिक होतास कि मय बुआ चो लगे जायें सें, कसनबल्लोने बुआ मोचो ले बड़े आय।

यूहन्ना 17:24

हे बुआ, मय चाहायें से, कि जोनमन के तुय मोके दिली सीस, जोन थाने मय आसे हुन थाने हुनमन बले मोचो संगे रवत, कि हुनमन मोचो हुन महिमा के दकोत जोन तुय मोके दिली सीस, कसनबल्लोने तुय जगत चो उपजास ले पयले मोचो ले मया संगालीस।

2 थिस्सलुनीकियो 1:12

बल्ले आमचो माहापुरू आउर परबु ईशु मसीह चो अनुग्रह चो अनुसार आमचो परबु ईशु चो नाव तुमचो ने महिमा पाओ, आउर तुमी हुनचो ने।

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

फिलिप्पियो 1:23

कसनबल्लोने मय दुनो चो मंजी ओट ने लटकले से; जीव तो चाहाय से कि देंह के छांडुन मसीह चो लगे जाऊन रयेंदे, कसनबल्लोने ऐ खुबे ची नुकु आय,

यूहन्ना 14:4

“जोन थाने मय जाऊ आय तुमी हुता चो बाट जानास।”