यूहन्ना 1:10 - Halbi

¹⁰ हुन जगत ने रये, आउर जगत हुनचो बाटले उपजास होली, आउर जगत हुनके नी चिताली।

परमेस्वर को सच्चो वचन ख जाननू

¹⁰ सब्द संसार म हतो, अऊर दुनिया ओको दुवारा सिरजी; पर दुनिया ख न ओखा नी पहिचानियो।

यूहन्ना 1:10 Iomraidhean Croise

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

यूहन्ना 1:11

हुन आपलो घरे ईलो आउर हुनचो आपलो लोग हुनके गरहन नी करला।

यूहन्ना 1:18

माहापुरू के कोनी केबीई नी दकला, एकला बेटा जोन बुआ चो कोरा ने आसे, हुनी ची हुनके उजागर करलो।

यूहन्ना 1:3

सपाय काई हुनचेई बाटले उपजास होली, आउर जोन काई उपजास होली से हुन थानले कोनी बले तीज हुनचो बिना उपजास नी होली।

यूहन्ना 1:5

उजर अंधार ने चमकु आय, आउर अंधार हुनके गरहन नी करली।

यूहन्ना 17:25

ऐ धरमी बुआ, संवसार तो मोके नी जानली, मान्तर मय तुके जानले; आउर ऐ मन बले जानला कि तुय ची मोके पठाली सीस।

यूहन्ना 5:17

ऐ थाने ईशु हुनमन ले बल्लो, “मोचो बुआ ऐबे तक कामकरू आय, आउर मय बले काम करूं आय।”

प्रेरितो 14:17

तेबले बले हुन आपन खुद के बिनगवा नी छांडलो; मान्तर हुन भलाई करते रलो, आउर बादरी ले बरसा आउर फरतो मोसम देऊन भाती तुमचो मन के भोजन आउर हरिक ले भरते रलो।

1 कुरिन्थियो 1:21

कसनबल्लोने जिदलदाय माहापुरू चो गिआन चो अनुसार संवसार गिआन ले माहापुरू के नी जानलो, तेबे माहापुरू के ऐ अच्छा लागली कि ऐ परचार चो मुरूकता चो दुवारा बिश्वास करतो बितामन के मुक्ति देओ।

1 कुरिन्थियो 2:8

जेके ऐ संवसार चो हाकिममन थानले कोनी नी जानला, कसनबल्लोने अगर हुनमन जानता तो चमक परबु के कुरूस थाने नी चेगाता।

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

कुलुस्सियो 1:16

कसनबल्लोने हुनचेई ने पुईतराय तीजमन चो रचना होली, सरग चो होओ नाहले धरतनी चो, दकलोर नाहले नी दकलोर, काय सिंघासन, काय परभुता मन, काय परधानमन, काय अधिकार, पुईतराय तीजमन हुनचेई बाटले आउर हुनचेई काजे बनाय गेली से।

इब्रानियो 11:3

बिश्वास ची ले आमी जानु सकु कि सपाय ब्रमांड चो रचना माहापुरू चो बचन चो दुवारा होली से। मान्तर ऐ नुआय कि जोन काई दकतो ने ऐये से, हुन दकलो बिती तीजमन ले बनु रओ।

1यूहन्ना 3:1

दका, बुआ आमचो ले कसन मया करलो से कि आमी माहापुरू चो पिला बलाय जाऊ; आउर आमी आंव बले। ऐई लागुन संवसार आमके नी जाने, कसनबल्लोने हुन हुनके बले नी जानलो।