याकूब 5:11 - Halbi

¹¹ दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

परमेस्वर को सच्चो वचन ख जाननू

¹¹ देख हम धीरज रखन वाला ख चोक्खो कहव हैं। तुम न अय्यूब को धीरज को बारे म तो सुनो ही हैं, अर प्रभु की तरफ से जे ओको प्रतिफल हुयो हो ख भी जान लियो हैं जसो प्रभू की बेजा करूना अर दया परगट होव हैं।

याकूब 5:11 Iomraidhean Croise

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

लूका 1:50

आउर हुनचो दया हुनमन उपरे, जोन हुनचो ले डरू आत, पीढ़ी-पीढ़ी ले बनु रऊ आय।

लूका 11:10

कसनबल्लोने जोन कोनी मांगु आय, हुनके मिरू आय; आउर जोन डगराऊ आय, हुन पाऊ आय; आउर जोन ठक-ठकाऊ आय, हुनचो काजे उगाढ़ा जाये दे।

लूका 6:36

जसन तुमचो बुआ दयावन्त आय, असने ची तुमी बले दयावन्त बना।

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

इफिसीयो 1:6

कि हुनचो हुन अनुग्रह चो महिमा चो स्तुति होओ, जेके हुन आमके आपलो लाडरा बेटा चो बाटले सेंत-मेंत दिलो।

इफिसीयो 2:4

मान्तर माहापुरू जोन दया चो सवकार आय, आपलो हुन बड़े मया चो लागुन जेचो ले हुन आमचो ले मया करलो,

इब्रानियो 10:39

मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 1:2

ऐ मोचो भाईमन, जिदलदाय तुमी नाना परकार चो परीक्षामन ने पड़ा, तेबे ऐके पुरा हरिक चो गोठ समजा,

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

1 पतरस 3:14

अगर तुमी धरम चो लागुन दुख बले उठाहा, तेबे धन्य आस; मान्तर लोगमन चो डरालो ले नी डरा आउर ना घबराआ,

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,