याकूब 2:5 - Halbi

⁵ हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

परमेस्वर को सच्चो वचन ख जाननू

⁵ हे मोरा प्यारो भई हुन, सुनो का परमेस्वर न या दुनिया को गरीब ख नी चुनियो। कि भरोसा म धनी अर उ राज को मुखिया हो, जेको वादा ओ न ओसे करी हैं, जे ओसे प्यार रखह हैं?

याकूब 2:5 Iomraidhean Croise

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 5:3

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

मरकुस 7:14

तेबे हुन लोगमन के आपलो लगे हाग देऊन भाती हुनमन ले बल्लो, “तुमी सपाय मोचो सुना, आउर समजा।

लूका 12:21

असने ची हुन माने बले आय जोन आपलो काजे धन सकलु आय, मान्तर माहापुरू चो नजर ने सवकार नुआय।”

लूका 12:32

“हे नानी गोहड़ी, नी डर; कसनबल्लोने तुमचो बुआ के ऐ भावली से, कि तुमके राज देओ।

लूका 16:22

असन होली कि हुन कंगाल मरून गेलो, आउर सरग दूतमन हुनके धरून भाती अब्राहाम चो खोरा ने पोंहचाला। हुन सवकार बले मरलो आउर माटी दिया गेलो,

लूका 16:25

मान्तर अब्राहाम बल्लो, ‘हे बेटा, सुरता कर कि तुय आपलो जीवना ने अच्छा तीजमन धरून चुकली सीस, आउर असने ची लाजर खराप तीजमन मान्तर अदायं हुन ऐथा शान्ति पाये से, आउर तुय तड़प सीस।

लूका 22:29

आउर जसन मोचो बुआ मोचो काजे गोटक राज ठेबालो से, असने ची मय बले तुमचो काजे ठेबायें से,

लूका 6:20

तेबे हुन आपलो चेलामन चो बाटे दकुन भाती बल्लो, “धन्य आहास तुमी जोन सीदा आहास, कसनबल्लोने माहापुरू चो राज तुमचो आय।”

यूहन्ना 7:48

काय सरदारमन नाहले फरीसीमन थानले कोनी बले हुनचो उपरे बिश्वास करला से?

प्रेरितो 7:2

इस्त्फनुस बल्लो, “हे भाईमन, आउर बुआमन सुना। आमचो बुआ अब्राहाम हारान ने बसतो ले पयले जिदलदाय मेसोपोटामिया ने रलो; तेबे तेजमय माहापुरू हुनके दरशन दिलो।”

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

2 कुरिन्थियो 4:15

कसनबल्लोने सपाय तीजमन तुमचो काजे आय, बल्ले अनुग्रह खुबेमन चो दुवारा खुबे होऊन भाती माहापुरू चो महिमा चो काजे धन्यबाद बले बड़ाओ।

2 कुरिन्थियो 6:10

दुक करतो बितामन चो असन आत, मान्तर हरमेशा हरिक करू आत; कंगालमन चो असन आत, मान्तर खुबेमन के सवकार बनान देऊ आत; असन आत जसन आमचो लगे काई निआय तेबले बले सपाय काई संगाऊ आत।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

2 थिस्सलुनीकियो 1:5

ऐ माहापुरू चो सत नियाय चो छुकछुका सबुत आय कि तुमी माहापुरू चो राज चो लायक ठेबा, जेचो काजे तुमी दुख बले उठाऊ आहास।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

2 तीमुथियुस 4:18

आउर परबु मोके हरकोनी खराप काम ले बचाए दे, आउर आपलो सरग राज ने अच्छा ले अमराय दे। हुनचेई महिमा जुग-जुग होते रओ। आमीन।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 11:26

हुन मसीह चो लागुन निन्दा होतो काजे मिस्र चो भण्डार ले बड़े धन समजलो, कसनबल्लोने हुनचो आँईक फल पावतोर बाटे लागुन रये।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 1:16

हे मोचो लाड़रा भाईमन, धोका नी खाआ।

याकूब 1:19

ऐ मोचो लाड़रा भाईमन, ऐ गोठ तुमी जाना, हरकोनी माने सुनतो काजे झटके आउर बोलतो ने धीरान आउर रीस ने धीरे हुआ,

याकूब 1:9

दिन भाई आपलो बड़े पन थाने घमण्ड करो,

1 पतरस 1:4

आउर गोटक अमर, आउर निंगल, आउर नी सरतो धन काजे जोन तुमचो काजे सरग ने संगालोर आसे;

2 पतरस 1:11

मान्तर ऐई रीति ले तुमी आमचो परबु आउर मुक्ति करू ईशु मसीह चो अमर राज ने बड़े ईजीत चो संगे ओलुक सका से।

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”

प्रकाशितवाक्य 21:7

“जोन जय पावला हुनी ऐ तीजमन चो हकदार होय दे; आउर मय हुनचो माहापुरू होयें दें, आउर हुन मोचो बेटा होय दे।”

प्रकाशितवाक्य 3:18

“ऐईकाजे मय तुके सहमती देयेंसे कि आईग ने तपालो बिती सोना मोचो ले घेन कि तुय धनी होऊन जा, आउर पंडरी फटीई धर कि पिन्दुन भाती तुके आपलो ढुमढापन चो लाज नी होओ, आउर आपलो आँईकमन ने लगातो काजे सुरमा धर कि तुय दकुक सक।”