याकूब 1:3 - Halbi

³ ऐ जानुन भाती कि तुमचो बिश्वास चो परका गेलो ने धीरज उपजास होऊ आय।

परमेस्वर को सच्चो वचन ख जाननू

³ तुम जानह हैं कि तुमरो भरोसा को असो तरीका से परखनो से धीरज पैदा होवा हैं।

याकूब 1:3 Iomraidhean Croise

लूका 21:19

आपलो धीरज ले तुमी आपलो जीवमन के बचाऊन संगाआ से।

रोमियो 15:4

जितरो गोठमन पयले ले लिकाय गेली, हुनमन आमचो ची सिक्या चो काजे लिकलोर आसे कि आमी धीरज आउर पवितर शास्त्र चो प्रोत्साहन दुवारा आशा संगाऊ।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

रोमियो 8:25

मान्तर जोन तीज के आमी नी दकु, अगर हुनचो आशा करूं आंव, तेबे धीरज ले हुनचो बाट टाकु बले आंव।

रोमियो 8:28

आमी जानु से कि जोन लोग माहापुरू ले मया संगाऊ आत, हुनमन चो काजे सपाय गोठमन मिसुन भाती भलाई ची के पयदा करू आय; बल्लोने हुनीमन ची काजे जोन हुनचो इच्छा चो अनुसार हाग दिलोर आसोत।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

कुलुस्सियो 1:11

हुनचो महिमा चो शक्ति चो अनुसार सपाय परकार चो सामरत ले बलवन्त होते जाहा, ऐथा ले कि हरिक चो संगे हर परकार ले धीरज आउर सयनशक्ति दकाऊक सका,

2 थिस्सलुनीकियो 1:4

ऐथा ले कि आमी खुद माहापुरू चो कलीसिया ने तुमचो बारे ने घमण्ड करूं आंव कि जितरो झंझट आउर कष्ट तुमी सहु आहास, हुन सपाय ने तुमचो धीरज आउर बिश्वास परकट होऊ आय।

2 थिस्सलुनीकियो 3:5

माहापुरू चो मया आउर मसीह चो धीरज चो बाटे परबु तुमचो मन चो अगुवाई करो।

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 12:1

ऐई लागुन जसन कि गोहईमन चो असन बड़े बादरी आमके गोंडरा मारली से, तेबे ईआ, हरकोनी ठेबातो बिती तीज आउर गुपातो बिती पाप के लापी करून, हुन परानी जोन थाने आमके परातोर आय धीरज ले पराऊँ,

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

1 पतरस 1:7

आउर ऐ ऐईकाजे आय कि तुमचो परकलो बिती बिश्वास, जोन आईग ले तपालो बिती नाश होतो बिती सोना ले बले कितलो आगर बड़े मोल आय, ईशु मसीह चो परकट होलो ने परशंसा आउर महिमा आउर मान चो कारन ठेबला।

2 पतरस 1:6

आउर समज थाने सहन, आउर सहन थाने धीरजा, आउर धीरजा थाने भक्ति,