याकूब 1:25 - Halbi

²⁵ मान्तर जोन माने छुटछाड़ा चो सिद्ध नियम थाने धिआन करते रऊ आय, हुन आपलो काम ने ऐईकाजे आशीष पायेदे कि सुनुन भाती भुलकु नुआय मान्तर असने ची काम करू आय।

परमेस्वर को सच्चो वचन ख जाननू

²⁵ पर जे अदमी स्वतंतरता को सिध्द नेम पर याद करते रह हैं, उ अपनो काम म एकोलाने परमेस्वर से आसीस पाएगो कि सुन ख भूलहे नी पर वसो ही काम करा हैं।

याकूब 1:25 Iomraidhean Croise

लूका 11:28

हुन बल्लो, “हव; मान्तर धन्य हुनमन आत जोन माहापुरू चो बचन सुनु आउर मानु आत।”

यूहन्ना 13:17

तुमी ऐ गोठमन जानेसास, आउर अगर हुन थाने चला से तो धन्य आस।

यूहन्ना 8:36

ऐईकाजे अगर बेटा तुमके छुटछाड़ा करेदे, तेबे सते तुमी छुटछाड़ा होऊन जाहा से।

प्रेरितो 13:43

जिदलदाय आराधना सभा उठून गेली तेबे यहूदीमन आउर यहूदी दल ने ईलो भगतमन थानले खुबे असन पौलुस आउर बरनबास चो पाट-पाट होला; आउर हुनमन-हुनमन चो ले गोठमन करून समजाला कि माहापुरू चो अनुग्रह ने बनु राहा।

प्रेरितो 2:42

आउर हुनमन पठालोबितामन ले सिक्या पाऊक, आउर संगत संगाऊक, आउर रोटी टुटाऊक, आउर पारथना करतो ने मतभुल रवत।

प्रेरितो 26:22

मान्तर माहापुरू चो सायता ले मय आजी ले बनले से, आउर नानी बड़े सपाय चो पुरे गोहई देये से, आउर हुन गोठमन के छांडुन काई नी बले जोन अगम गिआनीमन आउर मूसा बले बल्लो कि होतो बिती आय,

रोमियो 11:22

ऐईकाजे माहापुरू चो किरपा आउर कड़क के दक! जोन घसरुन गेला हुनमन उपरे कड़क, मान्तर तुचो उपरे किरपा अगर तुय हुन थाने बनु रसे, नी होले तुय बले गोंदुन दिआय जासे।

रोमियो 2:13

कसनबल्लोने माहापुरू चो थाने नियम चो सुनतो बिता धरमी नुआत, मान्तर नियम थाने चलतो बिता धरमी माना जादे।

रोमियो 7:12

ऐईकाजे नियम पवितर आय, आउर हुकुम, पवितर, धरमी, आउर अच्छा आय।

रोमियो 8:15

कसनबल्लोने तुमके गुलामी चो आत्मा नी मिरली कि फेर बाय बिकाल हुआ, मान्तर हकदार होतोर चो आत्मा मिरली से, जेचो ले आमी हे अब्बा हे बुआ बोलुन भाती हाग देऊ आंव।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 13:5

आपन खुद के परका कि बिश्वास ने आसास कि नाई। आपन खुद के जाचा। काय तुमी आपलो बारे ने ऐ नी जानास कि ईशु मसीह तुमचो ने आसे? नी होले तुमी जाच ने ठग निकरलासास।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 5:1

मसीह छुटछाड़ा चो काजे आमके छुट छंडालो से; आउर ऐई थाने थीर राआ, आउर गुलामी चो जुआंड़ी ने फेर ले नी जपा।

गलातियो 6:2

तुमी गोटक दुसर चो बोजा उठाआ, आउर ऐ परकार मसीह चो नियम के पुरा करा।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

1तीमुथियुस 2:15

तेबले बले बायले लेकी पिला जनमातोर लागुन मुक्ति पायेदे, अगर हुन सहन संगे बिश्वास, मया, आउर पवितरता ने थीर रओ।

1तीमुथियुस 4:16

आपलो आउर आपलो उपदेश के तिआर संगाऊन। ऐ गोठमन थाने थीर रा, कसनबल्लोने अगर असन करते रसे तो तुय आपलो आउर आपलो सुनतो बितामन चो काजे बले मुक्ति चो कारन होसे।

इब्रानियो 12:15

धिआन ले दकते राहा, असन नी होओ कि कोनी माहापुरू चो अनुग्रह ले लापी रऊन जाओ, नाहले कोनी पीता चेर फुटुन भाती दुख देओ, आउर हुनचो लागुन खुबे असन लोग अशुद्ध होऊन जाओत।

याकूब 2:12

तुमी हुन लोगमन चो असन बचन बोला आउर काम बले करा, जेचो नियाय छुटछाड़ा चो नियम चो अनुसार होयेदे।

1 पतरस 2:16

आपन खुद के छुटछाड़ा जाना, मान्तर आपलो ये छुटछाड़ा के बुराई चो काजे आड़ नी बनाआ; मान्तर आपन खुद के माहापुरू चो दास समजुन भाती चला।

1यूहन्ना 2:24

जोन काई तुमी मुर ले सुनलासास, हुनी तुमचो ने बनुन रओ; जोन तुमी मुर ले सुनलासास, अगर हुन तुमचो ने बनुन रओ तेबे तुमी बले बेटा ने आउर बुआ ने बनुन राआ से।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”

प्रकाशितवाक्य 22:14

“धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”