इब्रानियो 8:3 - Halbi

³ कसनबल्लोने हरकोनी माहायाजक भेट आउर बलिदान चेगातो काजे ठेबाया जाऊ आय, ऐई कारन जरूर आय कि ऐ याजक चो लगे बले काई चेगातो काजे होओ।

परमेस्वर को सच्चो वचन ख जाननू

³ काहेकि हर एक बडो पुजारी ख ऐको लाने चुन्यो जावह हैं कि वी भेट हुन अऊर बलिदान चढ़ान को लाने ठहरायो जावह हैं। अर ऐको लाने यू बडो पुजारी को लाने भी उ जरुरी हतो की ओको जोने भी चढ़ावन को लाने कही होय।

इब्रानियो 8:3 Iomraidhean Croise

यूहन्ना 6:51

जीवन चो रोटी जोन सरग ले उतरली, मय आय। अगर कोनी ऐ रोटी थानले खाओत, तेबे हरमेशा जीव रदे; आउर जोन रोटी मय जगत चो जीव काजे देयें दें, हुन मोचो मास आय।”

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 3:1

ऐईकाजे हे पवितर भाईमन, तुमी जोन सरग चो बुलाहट ने भागी आसास, हुन पठालोबिता आउर माहायाजक ईशु थाने जेके आमी अंगीकार करूं आंव, धिआन करा।

इब्रानियो 5:1

कसनबल्लोने हरकोनी माहायाजक मानेमन थानले धरा जाऊ आय आउर मानेमन चो ची काजे, हुन गोठमन चो बारे ने जोन माहापुरू ले सम्बंध संगाऊ आय, ठेबाया जाऊ आय कि भेट आउर पाप पुजा चेगाया करोत।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 8:4

अगर हुन धरतनी थाने होतो तेबे केबीई याजक नी होतो, ऐईकाजे कि नियम चो अनुसार भेट चेगातो बिता तो आसोत।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।