इब्रानियो 2:9 - Halbi

⁹ मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

परमेस्वर को सच्चो वचन ख जाननू

⁹ पर हम यीसु ख स्वर्गदूत हुन से कुछ ही कम करयो गयो, माऊत को दुख उठान को कारन महिमा अर आदर को मुकुट पहिनायो हुओ देखयो हैं, लेकिन परमेस्वर को दया से उ हर एक अदमी को लाने माऊत को स्वाद चक्यो।

इब्रानियो 2:9 Iomraidhean Croise

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 6:28

“आउर फटीई चो काजे केंव चिन्ता करे सास? सोसन चो फुलमन उपरे धिआन करा कि हुनमन कसन बाडु आत; हुनमन ना तो मसागत कर सोत, ना काटे सोत।

मरकुस 9:1

हुन हुनमन ले बल्लो, “मय तुमचो ले सते बलें सें कि जोन ऐथा उबा आसोत, हुनमन थानले कोनी-कोनी असन आत, कि जिदलदाय ले माहापुरू चो राज के सामरत संगे ऐतोर नी दकोत, हुलदाय ले मरना चो सुआद केबीई नी चाकोत।”

लूका 9:27

मय तुमचो ले सत बलें सें, कि जोन ऐथा उबा आसोत, हुनमन थानले कितलो असन आत कि जिदलदाय ले माहापुरू चो राज नी दकोत, हुलदाय ले मरना चो सुआद नी चाक दे।”

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 10:17

बुआ ऐईकाजे मोचो ले मया संगाऊ आय कि मय आपलो जीव देऊ आंय कि हुनके फेर ले धरें।

यूहन्ना 12:32

आउर मय अगर धरतनी थानले डेंग थाने चेगाया जायें दें, तेबे सपाय के आपलो लगे झिकें दें।”

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:52

यहूदीमन हुनचो ले बल्ला, “अदायं आमी जानलु से कि तुचो थाने दुष्टआत्मा आसे। अब्राहाम मरून गेलो, आउर अगम गिआनी बले मरून गेलो से; आउर तुय बोल सीस, ‘अगर कोनी मोचो बचन थाने चले दे तो हुन केबीई मरना चो सुआद नी चाके दे।’

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 3:13

अब्राहाम आउर इसाक आउर याकूब चो माहापुरू, आमचो बुआ दादीमन चो माहापुरू आपलो सेवा करू ईशु चो महिमा करलो, जेके तुमी धरालास, आउर जिदलदाय पिलातुस हुनके छांडतोर बिचार करलो, तेबे तुमी हुनचो पुरे हुनचो इन्कार करलास।

रोमियो 5:18

ऐईकाजे जसन गोटक अपराध सपाय मानेमन चो काजे डण्ड चो हुकुम चो कारन होली, असने ची गोटक धरम चो काम बले सपाय मानेमन चो काजे जीवन चो काजे धरमी ठेबाय जातोर कारन होली।

रोमियो 5:8

मान्तर माहापुरू आमचो उपरे आपलो मया चो भलाई ऐ रीति ले उजागर करू आय कि जिदलदाय आमी पापी ची रलु तेबे मसीह आमचो काजे मरलो।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

2 कुरिन्थियो 5:15

आउर हुन ऐईकाजे सपाय चो काजे मरलो कि जोन जीव आसोत, हुनमन पयले ले आपलो काजे नी जीओत मान्तर हुनचो काजे जोन हुनमन काजे मरलो आउर फेर जीव उठलो।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

1तीमुथियुस 2:6

जोन आपन खुद के सपाय चो छुटकारा चो दाम ने देऊन दिलो, आउर हुनचो गोहई ठीक समया थाने दियाय गेली।

इब्रानियो 1:9

तुय धरम ले मया आउर अधरम ले बईर संगालीस; ऐई लागुन माहापुरू, तुचो माहापुरू, तुचो संगवारीमन ले बडुन भाती हरिक रूपी तेल ले तुचो अभिषेक करलो।”

इब्रानियो 10:5

ऐई लागुन मसीह जगत ने ऐतो समया बले से, “बलिदान आउर भेट तुय नी चाह लीस, मान्तर मोचो काजे गोटक देंह तिआर करलीस।

इब्रानियो 11:5

बिश्वास ची ले हनोक उठाया गेलो कि मरना के नी दको, आउर हुनचो पता नी मिरली कसनबल्लोने माहापुरू हुनके उठाऊन नेऊ रये, आउर हुनचो उठाया जातोर ले पयले हुनचो ऐ गोहई दिया जाऊ रली कि हुन माहापुरू के हरिक करलो से।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:7

तुय हुनके सरग दूतमन ले खिन्डिक ची कम करलीस; तुय हुनचो उपरे महिमा आउर ईजीत चो मुकुट संगालीस, आउर हुनके आपलो हाथमन चो काममन थाने अधिकार दिलीस।

इब्रानियो 7:25

ऐईकाजे जोन हुनचो दुवारा माहापुरू चो लगे ऐऊ आत, हुन हुनमन चो पुरा-पुरा मुक्ति करूक सके, कसनबल्लोने हुन हुनमन चो काजे गुहार करतो काजे हरमेशा जीव आसे।

इब्रानियो 8:3

कसनबल्लोने हरकोनी माहायाजक भेट आउर बलिदान चेगातो काजे ठेबाया जाऊ आय, ऐई कारन जरूर आय कि ऐ याजक चो लगे बले काई चेगातो काजे होओ।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1यूहन्ना 2:2

आउर हुनी आमचो पापमन चो पशतावा आय, आउर मात्र आमचो ची नाई मान्तर पुईतराय जगत चो पापमन चो बले।

प्रकाशितवाक्य 19:12

हुनचो आँईकमन आईग चो तरास आय, आउर हुनचो मुण्ड थाने खुबे असन राज मुकुट आसे। हुनचो उपरे गोटक नाव लिकलोर आसे, जेके हुनके छांडुन आउर कोनी नी जानोत।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,