इब्रानियो 2:4 - Halbi

⁴ आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

परमेस्वर को सच्चो वचन ख जाननू

⁴ परमेस्वर न भी चिन्ह हुन ख तरह-तरह ख अदभुत काम अर करम अर सुध्द आत्मा ख वी दान दुवारा म जे ओकी इच्छा ख अनुसार उन ख दिया अर ओ न ओ ख प्रमाण कर ख दियो।

इब्रानियो 2:4 Iomraidhean Croise

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

मरकुस 6:14

हेरोदेस राजा बले हुनचो चरचा सुनलो, कसनबल्लोने हुनचो नाव फयलुन रये, आउर हुन बल्लो, “यूहन्ना डूबन देतो बिता मरलो थानले जीव उठलो से, ऐईकाजे हुनचो ले ऐ सामरत चो काम उजागर होये से।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 4:48

ईशु हुनचो ले बल्लो, “जिदलदाय ले तुमी चिना आउर भयंकर काम नी दका से हुदलदाय ले केबीई बिश्वास नी करा से।”

प्रेरितो 14:3

हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

प्रेरितो 4:10

तेबे तुमी सपाय आउर पुईतराय इस्राएली लोग जानुन राआ कि ईशु मसीह नासरी चो नाव ले जेके तुमी कुरूस उपरे चेगालास आउर माहापुरू मरलो बितामन थानले जिआ लो, ऐ माने तुमचो पुरे अच्छा चेंगा उबा आसे।

प्रेरितो 5:32

“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”

इफिसीयो 1:5

आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 4:7

मान्तर आमचो थानले हरकोनी के मसीह चो दान चो सबुत चो अनुसार अनुग्रह मिरली से।

इब्रानियो 6:4

कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से,