इब्रानियो 11:1 - Halbi

¹ अदायं बिश्वास आशा करलो बिती तीजमन चो तय, आउर नी दकलो बिती तीजमन चो सबुत आय।

परमेस्वर को सच्चो वचन ख जाननू

¹ भरोसा वी बात को पक्को प्रमाण हैं जेकी हम आस करह हैं, अऊर वी चीज को पक्को भरोसा को बारे म पक्की आसा हैं, जे ख हम नी देखा।

इब्रानियो 11:1 Iomraidhean Croise

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

1 कुरिन्थियो 13:13

मान्तर अदायं बिश्वास, आशा, मया ऐ तीनो थीर आय, मान्तर ऐ मन ने सपाय ले बड़े मया आय।

2 कुरिन्थियो 11:17

ऐ बेधड़क घमण्ड ने जोन काई मय बोलु आंय, हुन परबु चो हुकुम चो अनुसार नाई मान्तर माना मुरूक ले ची बोलु आंय।

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

2 कुरिन्थियो 5:17

ऐईकाजे अगर कोनी मसीह ने आसे तो हुन नवा रचना आय: जुना गोठमन बीतुन गेली से; दका, सपाय गोठमन नवा होऊन गेली से।

2 कुरिन्थियो 5:7

कसनबल्लोने आमी रूप के दकुन भाती नाई, मान्तर बिश्वास ले चलु आंव।

2 कुरिन्थियो 9:4

असन नी होओ कि अगर कोनी मकिदुनियावासी मचो संगे ऐ दे आउर तुमके तिआर नी पाओत, तेबे होऊक सके कि ऐ भरसा चो लागुन आमी (ऐ नी बोलु कि तुमी) लाजे पड़ा।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 10:39

मान्तर आमी गुचतो बिता नुआवं कि नाश होऊन जाऊँ मान्तर बिश्वास करतो बिता आंव कि परानमन के बचाऊं।

इब्रानियो 11:13

ऐ सपाय बिश्वास ची चो दसा ने मरला; आउर हुन बायदा करलो बिती तीजमन नी पावला, मान्तर हुनमन के दूर ले दकुन भाती हरिक होला आउर मानला कि आमी धरतनी थाने परदेशी आउर बाहरी आंव।

इब्रानियो 11:27

बिश्वास ची ले राजा चो रीस ले नी डरून भाती हुन मिस्र के छांडुन दिलो, कसनबल्लोने हुन नी दकलोर माना दकुन भाती मजबूत रलो।

इब्रानियो 11:7

बिश्वास ची ले नूह हुन गोठमन चो बारे ने जोन हुन समया दका नी पड़ते रली, धमकी पाऊन भाती भक्ति चो संगे आपलो घरलोगमन चो बचाव काजे जाहाज बनालो, आउर हुनचो दुवारा हुन संवसार के दोषी ठेबालो; आउर हुन धरम चो हकदार होलो जोन बिश्वास ले होऊ आय।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 6:12

बल्ले तुमी ठग नी होऊन जाहा, मान्तर हुनमन चो अनुकरन करा जोन बिश्वास आउर धीरज चो दुवारा बायदामन चो हकदार होऊ आत।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।