इब्रानियो 1:3 - Halbi

³ हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

परमेस्वर को सच्चो वचन ख जाननू

³ यु पोरिया परमेस्वर कि महिमा वह उन की महिमा को उजाला अर उन को तत्व को छाप हैं, अर सब चीज अपनी सक्ति को वचन से संभालयो हैं। उ पाप ख धो ख ऊँचो जगह पर महामहिम परमेस्वर ख जेनो तरफ जा ख बठयो;

इब्रानियो 1:3 Iomraidhean Croise

मत्ती 22:24

“हे गुरू, मूसा बोलु रलो कि अगर कोनी माने बिना बेटा चो मरो, तेबे हुनचो भाई हुनचो बायले ले बिहा होऊन आपलो भाई काजे बंश जनमाओ।

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:29

दुसर दिन ईशु के आपलो बाटे ऐतोर दकुन भाती बल्लो, “दका, ऐ माहापुरू चो मेमना आय जोन जगत चो पाप के उठाऊन नेऊ आय।

यूहन्ना 1:4

हुन थाने जीव रये आउर हुन जीव मानेमन चो उजर रये।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 7:56

बल्लो, “दका, मय सरग के उगाढ़ा होलोर, आउर माने चो बेटा के माहापुरू चो उजा बाटे उबा होलोर दकें सें।”

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

कुलुस्सियो 3:1

मान्तर जिदलदाय तुमी मसीह चो संगे जिआय गेलास, तेबे सरग चो तीजमन चो खोज ने राहा, जाहां मसीह हाजिर आसे आउर माहापुरू चो उजा पाट बसलो से।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 1:13

आउर सरग दूतमन थानले हुन काचो ले केबे बल्लो, “तुय मोचो उजा बस, जिदलदाय ले कि मय तुचो बयरीमन के तुचो पाँयमन चो खाले चो चौंकी नी करून देयें?”

इब्रानियो 10:12

मान्तर ऐ माने तो पापमन चो पलटा गोटक ची बलिदान हरमेशा चो काजे चेगाऊन भाती माहापुरू चो उजा जाऊन बसलो,

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 7:27

हुन माहायाजक मन चो असन हुनके जरूरी नुआय कि रोजे दिना पयले आपलो पापमन आउर फेर लोगमन चो पापमन चो काजे बलिदान चेगा ओ; कसनबल्लोने हुन आपन खुद के बलिदान चेगाऊन भाती हुनके गोटक ची हार ने पुरा करून दिलो।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

इब्रानियो 9:16

कसनबल्लोने जोन थाने बायदा बान्दा गेली से हुन थाने बायदा बान्दु बितामन चो मरना चो समज धरतोर बले जरूरी आय।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

2 पतरस 1:16

कसनबल्लोने जिदलदाय आमीमन तुमके आपलो परबु ईशु मसीह चो सामरत चो आउर आगमन चो खबर देऊ रलु, तेबे हुन चलाक ले घड़लो बिती कहनीमन चो नकल नी रली मान्तर आमीमन खुद ची हुनचो परताप के दकु रलु।

2 पतरस 1:17

कसनबल्लोने जिदलदाय हुन माहापुरू बुआ ले ईजीत आउर महिमा पावलो आउर हुन परतापमय महिमा थानले ऐ आवाज ईली, “ऐ मोचो लाड़रा बेटा आय, जेचो ले मय हरिक आंसे।”

1यूहन्ना 1:7

मान्तर अगर जसन हुन उजर ने आसे, असने ची आमी बले उजर ने चलुन्दे, तेबे गोटक दुसर ले सामिलता संगाऊ आव, आउर हुनचो बेटा ईशु चो लऊ आमके सपाय पापमन ले शुद्ध करू आय।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

यहूदा 1:25

हुनी गोटक मात्र माहापुरू आमचो मुक्तिकरू चो महिमा आउर मान-समान आउर बल आउर अधिकार, आमचो परबु ईशु मसीह चो दुवारा जसन पिढ़ी-पिढ़ी ले आसे, ऐबे बले होओ आउर जुग-जुग रओ। आमीन।

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 4:11

“हे आमचो परबु आउर माहापुरू, तुय ची महिमा आउर ईजीत आउर सामरत चो लायक आस; कसनबल्लोने तुय ची सपाय तीजमन बनालीस आउर हुनमन तुचीई इच्छा ले रली आउर बनाया गेली।”