इब्रानियो 1:2 - Halbi

² ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

परमेस्वर को सच्चो वचन ख जाननू

² इ आखरी दिन म ओ न हम से पोरिया को दुवारा बात करी, जिन ख उन न सब चीज को वारिस रखयो अर ओको दुवारा ओ ना सब दुनिया ख ओ न रची हैं।

इब्रानियो 1:2 Iomraidhean Croise

मत्ती 13:39

जोन शतरू हुनमन के बुनलो हुन शयतान आय; काटतोर जगत चो आखरी आय, आउर काटतो बितामन सरगदूत आत।

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 21:38

मान्तर किसानमन बेटा के दकुन भाती आपस ने बल्ला, ‘ऐ तो हकदार आय, ईआ, ऐके मारून देऊ आउर ऐचो सम्पत्ति धरवां।’

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मरकुस 1:1

माहापुरू चो बेटा ईशु मसीह चो नगतखबर चो मुर।

मरकुस 12:6

अदायं गोटक ची रऊन जाऊ रये, जोन हुनचो लाड़रा बेटा रये; आखरी ने हुन हुनके बले हुनमन चो लगे ऐ सोचुन भाती पठालो कि हुनमन मोचो बेटा चो ईजीत कर दे।

मरकुस 12:7

मान्तर हुन किसानमन आपस ने बल्ला, ‘ऐ तो हकदार आय; ईआ, आमी ऐके मारून देवां, तेबे धनमाल आमचो होऊन जाये दे।’

यूहन्ना 1:10

हुन जगत ने रये, आउर जगत हुनचो बाटले उपजास होली, आउर जगत हुनके नी चिताली।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:3

सपाय काई हुनचेई बाटले उपजास होली, आउर जोन काई उपजास होली से हुन थानले कोनी बले तीज हुनचो बिना उपजास नी होली।

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 13:32

अगर हुनचो थाने माहापुरू चो महिमा होली से, तेबे माहापुरू बले आपलो थाने हुनचो महिमा करे दे आउर तुरते करें दें।

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

यूहन्ना 16:15

जोन काई बुआ चो आय, हुन सपाय मोचो आय, ऐईकाजे मय बल्ले कि हुन मोचो गोठमन थानले धरून भाती तुमके सांगे दे।”

यूहन्ना 17:2

कसनबल्लोने तुय हुनके सपाय जीव जन्तुमन थाने अधिकार दिलीस, कि जोनमन के तुय हुनके दिली सीस हुन सपाय के हुन अमर जीवना देस।

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:25

हुता यूहन्ना चो चेलामन चो कोनी यहूदी चो संगे शुद्धी चो बारे ने बाता-बाती होली।

यूहन्ना 5:26

कसनबल्लोने जोन रीति ले बुआ आपन खुद ने जीवना संगाऊ आय, हुनी रीति ले हुन बेटा के बले ऐ अधिकार दिलो से कि आपन खुद ने जीवना संगा ओ;

यूहन्ना 5:27

मान्तर हुनके नियाय करतोर चो बले अधिकार दिलो से, ऐईकाजे कि हुन माने चो बेटा आय।

यूहन्ना 9:29

आमी जानु से कि माहापुरू मूसा ले गोठमन गोठयालो; मान्तर ऐ माने के नी जानु कि काहां चो आय।”

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 2:17

माहापुरू बोलु आय, कि आखरी दिनमन ने असन होये दे कि मय आपलो आत्मा सपाय माने उपरे रिकायेंदे, आउर तुमचो बेटामन आउर तुमचो बेटीमन अगम गोठ करदे, आउर तुमचो जुआन दरशन दकदे, आउर तुमचो डोकरामन सपना दकदे।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

इफिसीयो 1:10

कि समयामन चो पुरा होतोर असन जुगाड़ होओ कि जोन काई सरग ने आसे आउर जोन काई धरतनी थाने आसे, सपाय काई हुन मसीह ने रूंडा करो।

इफिसीयो 3:9

आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये।

इब्रानियो 1:5

कसनबल्लोने सरग दूतमन ले हुन केबे कोचीई ले बल्लो, “तुय मोचो बेटा आस, आजी तुय मोचो ले उपजास होली सीस?” आउर फेर ऐ, “मय हुनचो बुआ होयेंदें, आउर हुन मोचो बेटा होयदे?”

इब्रानियो 1:8

मान्तर बेटा चो बारे ने बले से, “हे माहापुरू, तुचो सिंघासन जुग-जुग रयदे, तुचो राज चो राजदण्ड नियाय चो राजदण्ड आय।

इब्रानियो 11:3

बिश्वास ची ले आमी जानु सकु कि सपाय ब्रमांड चो रचना माहापुरू चो बचन चो दुवारा होली से। मान्तर ऐ नुआय कि जोन काई दकतो ने ऐये से, हुन दकलो बिती तीजमन ले बनु रओ।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 5:8

बेटा होलो थानले बले हुन दुख उठाऊन-उठाऊन भाती हुकुम मानुक सिकलो,

इब्रानियो 7:28

कसनबल्लोने नियम तो कमजोर मानेमन के माहायाजक नियुक्त करू आय, मान्तर हुन किरिया चो बचन, जोन नियम चो पाचे खाया गेली, हुन बेटा के नियुक्त करू आय जोन जुग-जुग चो काजे सिद्ध कराय गेलो से।

इब्रानियो 7:3

जेचो ना बुआ, ना आया, ना बंसावली आसे, जेचो दिनमन चो ना मुर आसे आउर ना जीवना चो आखरी आसे; मान्तर माहापुरू चो बेटा चो रूपरंग ठेबुन भाती हुन सदा चो काजे याजक बनुन रऊ आय।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

2 पतरस 3:3

आउर ऐ पयले जाना, कि आखरी दिनमन ने हंसी मजाक करतो बितामन ऐ दे, जोन आपली ची मनमानीमन ची अनुसार चल दे

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”