गलातियो 6:8 - Halbi

⁸ कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।

परमेस्वर को सच्चो वचन ख जाननू

⁸ काहेकि जो अपनो सरीर को लाने बोवा हैं वई सरीर को व्दारा नास होन वाली कटनी काटेगो; अर जे आत्मा को लाने बोवा हैं, उ आत्मा को व्दारा अनन्त जीवन कि कटनी काटेगो।

गलातियो 6:8 Iomraidhean Croise

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

लूका 18:30

आउर ऐ समया कईं गुना आगर नी पाओ आउर ऐतो बिती जुग ने अमर जीवना।”

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

यूहन्ना 4:36

काटतो बिता भुती पाऊ आय आउर अमर जीवना चो काजे पाक ओंडेयाऊ आय, बल्ले बुनतो बिता आउर काटतो बिता दुनो मिसुन भाती हरिक करोत।

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

रोमियो 6:13

आउर ना आपलो अंगमन के अधरम चो हत्यार होतो काजे पाप के सोपा, मान्तर आपन खुद के मरलो बितामन थानले जीव उठलोर जानुन भाती माहापुरू के सोपा, आउर आपलो अंगमन के धरम चो हत्यार होतो काजे माहापुरू के सोपा।

रोमियो 6:23

कसनबल्लोने पाप चो भुती तो मरना आय, मान्तर माहापुरू चो बर आमचो परबु मसीह ईशु थाने अमर जीवन आय।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

रोमियो 8:6

देंह थाने मन लगातोर तो मरना आय, मान्तर आत्मा उपरे मन लगातोर जीवन आउर शान्ति आय;

1 कुरिन्थियो 15:42

मुरदामन चो जीव उठतोर बले असने ची आय। देंह नाशवान दसा ने बुना जाऊ आय आउर अमर रूप ने जीव उठु आय।

गलातियो 6:7

धोका नी खाआ; माहापुरू मजाकमन ने नी उड़ाया जाये, कसनबल्लोने माने जोन काई बुनु आय हुनी काटे दे।

1तीमुथियुस 1:16

मान्तर मोचो उपरे ऐईकाजे दया होली कि मय सपाय ले बड़े पापी ने ईशु मसीह आपलो पुरा सयनशक्ति दकालो, कि जोन लोग हुनचो उपरे अमर जीवना चो काजे बिश्वास कर दे हुनमन काजे मय गोटक नमूना बने।

तीतुस 3:7

जेचो ले आमी हुनचो अनुग्रह ले धरमी ठेबुन भाती, अमर जीवना चो आशा चो अनुसार हकदार बनु।

याकूब 3:18

मिलाप करातो बितामन चो काजे धारमिकता चो फल शान्ति चो संगे बुना जाऊ आय।

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

2 पतरस 2:19

हुनमन-हुनमन के छुटछाड़ातोर बायदा तो करू आत, मान्तर खुदे ची कुहलोर दास आत; कसनबल्लोने जोन माने जेचो ले हारलो से, हुन हुनचो दास बनुन जाऊ आय।

यहूदा 1:21

आपन खुद के माहापुरू चो मया ने बनान संगाहा; आउर अमर जीवना चो काजे आमचो परबु ईशु मसीह चो दया चो बाट टाकते राहा।

प्रकाशितवाक्य 22:11

“जोन अनियाय करू आय, हुन अनियाय ची करते रओ, आउर जोन मईल आय, हुन मईल बुनुन रओ; आउर जोन धरमी आय, हुन धरमी बुनुन रओ; आउर जोन पवितर आय; हुन पवितर बनुन रओ।”