गलातियो 6:12 - Halbi

¹² जोन लोग देंह ने दकावा चाहाऊं आत हुनमन ची तुमचो खतना करवातो काजे दबाव डालु आत, मात्र ऐईकाजे कि हुनमन मसीह चो कुरूस चो लागुन कन्दराया नी जाओत।

परमेस्वर को सच्चो वचन ख जाननू

¹² जे अदमी सरीर को हिसाब से दिखानु चाहवा हैं विईच ही तुम ख रीति-रिवाज ख मानन को लाने दबाव डाला हैं, सिर्फ एकोलाने कि वी मसी की सूली को लाने सताया नी जाय।

गलातियो 6:12 Iomraidhean Croise

मत्ती 23:27

“हे कपटी शास्तरीमन आउर फरीसीमन, तुमचो उपरे हाय! तुमी चुना पोतलो बिती मोट चो असन आस जोन उपर ले तो सुन्दर दका देऊ आय, मान्तर भीतरे मोड़ीमन चो हाड़ामन आउर सपाय परकार चो मईल भरली से।

मत्ती 23:28

ऐई रीति ले तुमी बले उपर ले मानेमन के धरमी दका देये सास, मान्तर भीतरे कपट आउर अधरम ले भरला सास।

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

मत्ती 5:10

“धन्य आत हुनमन, जोन धारमिकता चो कारन कन्दराया जाऊ आत, कसनबल्लोने सरग चो राज हुनीमन चो आय।”

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:2

“ऐईकाजे जिदलदाय तुय दान करसे, तेबे आपलो पुरे तुरी नी बजाव, जसन कपटी, सभामन आउर खोरीमन ने करू आत, बल्ले लोग हुनमन चो बड़ाई करोत। मय तुमचो ले सते बलेंसे कि हुनमन आपलो ईनाम पाऊन चुकला।

मत्ती 6:5

“जिदलदाय तुय पारथना कर से, तेबे कपटीमन चो असन नी हो, कसनबल्लोने लोगमन के दकातो काजे आराधना घरमन ने आउर सड़कमन चो मोड़या थाने उबा होऊन भाती पारथना करतोर हुनमन के अच्छा लागु आय। मय तुमचो ले सते बलें सें कि हुनमन आपलो ईनाम पाऊन चुकला।

लूका 16:15

हुन हुनमन ले बल्लो, “तुमी तो मानेमन चो पुरे आपन खुद के धरमी ठेबाऊ आस, मान्तर माहापुरू तुमचो मन के जानु आय, कसनबल्लोने जोन तीज मानेमन चो नजर ने बड़े आय, हुन माहापुरू चो लगे घिन-घिना आय।

लूका 20:47

हुनमन रान्डीमन चो घर खाऊ आत, आउर दकातो काजे बड़ दाय ले पारथना करते रऊ आत, ऐमन खुबे डण्ड पावदे।”

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

प्रेरितो 15:1

फेर कितलो लोग यहूदिया ले ऐऊन भाती भाईमन के सिकाऊक मुरयाला: “अगर मूसा चो रीति थाने तुमचो खतना नी होये तो तुमी मुक्ति नी पावऊक सकास।”

प्रेरितो 15:5

मान्तर फरीसीमन चो गुट ले जोनमन बिश्वास करू रला, हुनमन थानले कितलो उठून भाती बल्ला, “हुनमन के खतना करातोर आउर मूसा चो नियम के मानतोर हुकुम देतोर आसे।”

2 कुरिन्थियो 10:12

कसनबल्लोने आमके ऐ साआस निआय कि आमी आपन खुद के हुनमन चो संगे गेनु, नाहले हुनमन संगे आपन के मिसाऊं, जोन आपलो बड़ाई खुद करू आत, आउर आपन खुद के आपस ने नापुन तवलुन भाती गोटक दुसर ले मिलान करून मुरक ठेबु आत।

2 कुरिन्थियो 11:13

कसनबल्लोने असन लोग फंदी पठालोबिता, आउर छंद ले काम करतो बितामन, आउर मसीह चो पठालोबितामन चो भेष धरतो बितामन आत।

गलातियो 2:14

मान्तर जिदलदाय मय दकले कि हुनमन नगतखबर चो सत उपरे सीदा चाल नी चलोत, तेबे मय सपाय चो पुरे कयफा ले बल्ले, “जिदलदाय तुय यहूदी होऊन भाती दुसर जातिमन चो अनुसार चल सीस आउर यहूदीमन चो असन नाई तेबे तुय दुसर जातिमन के यहूदिमन चो अनुसार चलतो काजे केंव बोल सीस?”

गलातियो 2:3

मान्तर तीतुस के बले जोन मोचो संगे रये आउर जोन यूनानी आय, खतना करातो काजे बेबस नी करा गेलो।

गलातियो 5:11

मान्तर हे भाईमन, अगर मय ऐबले खतना चो परचार करूं आंय, तेबे केंव ऐबले कन्दराय जाऊँ आंय? फेर तो कुरूस चो ठोकर जाते रली।

गलातियो 6:13

कसनबल्लोने खतना करतो बितामन खुद तो नियम थाने नी चलोत, मान्तर तुमचो खतना ऐईकाजे कराऊक चाहाय सोत कि तुमचो देंह चो दसा थाने घमण्ड करोत।

फिलिप्पियो 1:15

कितलो तो डाह आउर झगड़ामन चो लागुन मसीह चो परचार करू आत आउर कितलो अच्छा इच्छा ले।

फिलिप्पियो 2:4

हरकोनी आपलो ची हित ची नाई, मान्तर दुसरमन चो हित चो बले चिन्ता करा।

फिलिप्पियो 3:18

कसनबल्लोने खुबे ची असने चाल-चलु आत, जेचो गोठ बात मय तुमचो ले घन-घन करले से, आउर ऐबे बले गागुन-गागुन भाती बलेंसें कि हुनमन आपलो चाल चलन ले मसीह चो कुरूस चो बयरी आत।

कुलुस्सियो 2:23

ऐ बिदीमन ने आपलो इच्छा चो अनुसार गड़लो बिती भक्ति चो रीति, आउर आत्मा-हीनता, आउर देंह चो आदत चो भाव ले गिआन चो नाव तो आसे, मान्तर शारीरिक लालचमन के रोकतो ने काई बले लाब नी होये।”