गलातियो 5:16 - Halbi

¹⁶ मान्तर मय बलें सें, आत्मा चो अनुसार चला तेबे तुमी देंह चो लालच कोनी रीति ले पुरा नी करा से।

परमेस्वर को सच्चो वचन ख जाननू

¹⁶ पर मी कहूँ हैं, आत्मा को हिसाब से चलो ते तुम सरीर कि इच्छा कोई भी तरीका से पुरी नी करन का।

गलातियो 5:16 Iomraidhean Croise

गलातियो 6:8

कसनबल्लोने जोन आपलो देंह चो काजे बुनु आय, हुन देंह चो बाटले बिनाश चो कटनी काटे दे; आउर जोन आत्मा चो काजे बुनु आय, हुन आत्मा चो बाटले अमर जीवना चो कटनी काटे दे।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

रोमियो 6:12

ऐईकाजे पाप तुमचो नाश होतो बिती देंह ने राज नी करो, कि तुमी हुनचो लालचमन चो आसा ने राआ;

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 4:6

कसनबल्लोने मरलो बितामन के बले नगतखबर ऐईकाजे सुनाया गेली कि देंह ने तो मानेमन चो अनुसार हुनमन चो नियाय होओ, मान्तर आत्मा ने हुनमन माहापुरू चो अनुसार जीव रवत।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

कुलुस्सियो 2:11

हुनी थाने तुमचो असन खतना होली जोन हाथ ले नी होये, बल्लोने मसीह चो खतना जेचो ले शारीरिक देंह उतराऊन दियाय जाऊ आय,

गलातियो 3:17

मान्तर मय ऐ बलें सें जोन बायदा माहापुरू पयले ले पक्का करू रलो, हुनके नियम चार सव तीस बरक चो पाचे ऐऊन भाती नी टालुक सके कि बायदा फकाहा ठेबो।

रोमियो 8:1

आउर अदायं जोन मसीह ईशु ने आसोत, हुनमन उपरे डण्ड चो हुकुम निआय। कसनबल्लोने हुनमन देंह चो अनुसार नाई मान्तर आत्मा चो अनुसार चलु आत।

1 कुरिन्थियो 7:29

हे भाईमन, मय ऐ बलेंसें कि समया कम करा गेलोर आसे, ऐईकाजे जरूरी आय कि जोनमन चो बायले आसोत, हुनमन असन होओत माना हुनमन चो बायले निआत;