गलातियो 5:1 - Halbi

¹ मसीह छुटछाड़ा चो काजे आमके छुट छंडालो से; आउर ऐई थाने थीर राआ, आउर गुलामी चो जुआंड़ी ने फेर ले नी जपा।

परमेस्वर को सच्चो वचन ख जाननू

¹ मसी न मोक्छ को लाने हमका स्वतरत करयो हैं; एकोलाने ऐमा ही बनिया रहो, अर गुलामी कि बोझ म फिर से गुलाम मत बननू।

गलातियो 5:1 Iomraidhean Croise

मत्ती 23:4

हुनमन गोटक असन भारी बोज के जेके उठातोर मशकिल आय, बान्दुन भाती हुनमन के मानेमन चो खांदमन उपरे संगाऊ आत; मान्तर खुद हुनके आपलो अंडकी ले बले सरकातोर नी चाह ओत।

लूका 5:38

मान्तर नवा दाखरस नवा चामड़ा चो थयलामन ने भरतोर आय।

प्रेरितो 15:10

तेबे अदायं तुमी केंव माहापुरू चो परीक्षा करेसास कि चेलामन चो टोडरा थाने असन जुआंड़ी संगाव, जोन के ना आमचो बुआ दादी उठाऊक सकु रवत आउर ना आमी उठाऊक सकु?

रोमियो 6:14

तेबे तुमचो उपरे पाप चो जय नी होये दे, कसनबल्लोने तुमी नियम चो अधीन निआस मान्तर अनुग्रह चो अधीन ने आसास।

रोमियो 6:18

आउर पाप ले छंडाय जाऊन भाती धरम चो दास होऊन गेलास।

रोमियो 7:3

ऐईकाजे कि मनुक चो जीवत-जीवत हुन कोनी दुसर मनुक चो होओ, तो बेबीचारीन बलाय होयेदे, मान्तर अगर मनुक मरून जाओ, तेबे हुन-हुन नियम ले छुटुन गेली, ऐथा ले कि अगर कोनी दुसर मनुक चो होऊन जाओ तेबले बले बेबीचारी नी होयेदे।

रोमियो 7:6

मान्तर जेचो गांट ने आमी रलु हुनचो काजे मरून भाती, अदायं नियम ले असन छुटलु, कि लिकलोर जुना रीति थाने नाई, मान्तर आत्मा चो नवा रीति थाने सेवा करूंसे।

रोमियो 8:15

कसनबल्लोने तुमके गुलामी चो आत्मा नी मिरली कि फेर बाय बिकाल हुआ, मान्तर हकदार होतोर चो आत्मा मिरली से, जेचो ले आमी हे अब्बा हे बुआ बोलुन भाती हाग देऊ आंव।

रोमियो 8:2

कसनबल्लोने जीवन चो आत्मा चो नियम ने मसीह ईशु ने मोके पाप चो, आउर मरना चो नियम ले छुटछाड़ा करून दिलो।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

1 कुरिन्थियो 16:13

चेता राआ, बिश्वास ने थीर राआ, साहास करा, बलवान हुआ।

1 कुरिन्थियो 7:22

कसनबल्लोने जोन दास चो हाल ने परबु ने हाग दिलोर आसे, हुन परबु चो छुटछाड़ा करलोर आय। असने ची जोन छुटछाड़ा चो हाल ने हाग दिलोर आसे, हुन मसीह चो दास आय।

2 कुरिन्थियो 11:20

कसनबल्लोने जिदलदाय तुमके कोनी दास बनाऊ आय, नाहले खाऊन जाऊ आय, नाहले फासु आय, नाहले आपन खुद के बड़े बनाऊ आय, नाहले तुमचो मुंह थाने थापड़ मारू आय, तेबे तुमी सऊ आहास।

2 कुरिन्थियो 3:17

परबु तो आत्मा आय: आउर जाहांय बले परबु चो आत्मा आसे हुता छुटछाड़ा आसे।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 3:25

मान्तर जिदलदाय बिश्वास ऐऊन चुकली, तेबे आमी गुरजी चो अधीन नी रलु।

गलातियो 4:26

मान्तर उपर चो यरूशलेम छुटछाड़ा आसे, आउर हुन आमचो आया आय।

गलातियो 4:31

ऐईकाजे हे भाईमन, आमी दासी चो नुआवं मान्तर छुटछाड़ा बायले लेकी चो पिला आंव।

गलातियो 4:9

मान्तर अदायं जोन तुमीमन माहापुरू के चितालास मान्तर माहापुरू तुमके चितालो, तेबे हुन कमजोर आउर ठग मुर सिक्या चो गोठमन चो बाटे केंव फिरेसास, जेचो तुमी दुबारा दास होऊक चाहायसास?

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

इफिसीयो 6:14

ऐईकाजे सत ले आपलो करांड जमखम करून, आउर धारमिकता चो कवच पिन्दुन भाती,

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

1 थिस्सलुनीकियो 3:8

कसनबल्लोने अदायं अगर तुमी परबु ने थीर राहा तेबे आमी जीव आंसु।

2 थिस्सलुनीकियो 2:15

ऐईकाजे हे भाईमन, थीर राहा; आउर जोन-जोन गोठमन तुमी चाहलास बचन नाहले चिठ्ठी चो बाटले आमचो ले सिकलासास, हुनमन के धरू राआ।

इब्रानियो 10:23

ईआ आमी आपलो आशा चो अंगीकार के हिम्मत ले थामुन रऊ, कसनबल्लोने जोन बायदा करलो से, हुन बिश्वास लायक आय;

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

1 पतरस 2:16

आपन खुद के छुटछाड़ा जाना, मान्तर आपलो ये छुटछाड़ा के बुराई चो काजे आड़ नी बनाआ; मान्तर आपन खुद के माहापुरू चो दास समजुन भाती चला।

2 पतरस 2:19

हुनमन-हुनमन के छुटछाड़ातोर बायदा तो करू आत, मान्तर खुदे ची कुहलोर दास आत; कसनबल्लोने जोन माने जेचो ले हारलो से, हुन हुनचो दास बनुन जाऊ आय।

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।

प्रकाशितवाक्य 2:25

“मान्तर हव, जोन तुमचो लगे आसे हुनके मोचो ऐओत ले थामुन राहा।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”