गलातियो 4:6 - Halbi

⁶ आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

परमेस्वर को सच्चो वचन ख जाननू

⁶ अर तुम जे पोरिया आय, एकोलाने परमेस्वर न अपनो पोरिया को आत्मा ख, जे अरे भगवान, अरे बाप बोल ख पुकारा हैं, हमरी मन म भेजो हैं।

गलातियो 4:6 Iomraidhean Croise

मरकुस 14:36

आउर बल्लो, “हे अब्बा, हे बुआ, तुचो ले सपाय काई होऊक सके; ऐ बटका के मोचो लगले गुचाऊन देस: तेबले बले जसन मय मन करें से असन नाई, मान्तर जोन तुय मन कर सीस हुनी होओ।”

लूका 11:13

बल्ले जिदलदाय तुमी खराप होऊन भाती आपलो पिलामन के अच्छा तीजमन देऊक जानास, तेबे सरग चो बुआ आपलो मांगतो बितामन के पवितर आत्मा केंव नी देये।”

लूका 11:2

हुन हुनमन ले बल्लो, “जिदलदाय तुमी पारथना करा, तेबे बोला: ‘हे बुआ, तुचो नाव पवितर माना जाओ, तुचो राज ऐओ।’

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 16:7

तेबले बले मय तुमचो ले सते बलें सें कि मोचो जातोर तुमचो काजे नुकु आय, कसनबल्लोने अगर मय नी जाये तेबे हुन सायता करू तुमचो लगे नी ऐये दे; मान्तर अगर मय जायें दें, तेबे हुनके तुमचो लगे पटायें दें।

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

यूहन्ना 7:39

हुन ऐ बचन पवितर आत्मा चो बारे ने बल्लो, जेके हुनचो उपरे बिश्वास करतो बितामन पावतो थाने रवत; कसनबल्लोने आत्मा ऐबे तक नी उतरून रली, कसनबल्लोने ईशु ऐबे तक आपलो महिमा के नी अमरून रलो।

प्रेरितो 16:7

हुनमन मूसिया चो लगे अमरून भाती, बितूनिया ने जाऊक मन करला; मान्तर ईशु चो आत्मा हुनमन के जाऊक नी दिलो।

रोमियो 5:5

आउर आशा ले लाज नी होये, कसनबल्लोने पवितर आत्मा जोन आमके दिआय गेली से हुनचो कारन माहापुरू चो मया आमचो मन ने डालाय गेली से।

रोमियो 8:9

मान्तर जिदलदाय कि माहापुरू चो आत्मा तुमीमन ने बसु आय, तेबे तुमी देंह दसा ने नाई मान्तर आत्मिक दसा ने आसास। अगर काचीई ने मसीह चो आत्मा निआय तो हुन हुनचो लोग नुआय।

1 कुरिन्थियो 15:45

असने ची लिकलोर बले आसे, कि “पईल माने, बल्लोने आदम जिन्दा प्राणी बनलो” आउर आखरी आदम जीवना देतो बिती आत्मा बनली।

2 कुरिन्थियो 1:22

जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।

2 कुरिन्थियो 3:17

परबु तो आत्मा आय: आउर जाहांय बले परबु चो आत्मा आसे हुता छुटछाड़ा आसे।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 2:18

कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय।

इफिसीयो 4:30

माहापुरू चो पवितर आत्मा के दुकी नी करा, जेचो ले तुमचो उपरे छुटकारा चो दिने चो काजे छाप दिया गेली से।

इफिसीयो 6:18

हर समया आउर सपाय परकार चो आत्मा ने पारथना, आउर गुहार करते राहा, आउर ऐईकाजे चेता राहा कि सपाय पवितर लोगमन चो काजे सरलगा गुहार करते राहा,

फिलिप्पियो 1:19

कसनबल्लोने मय जाने से कि तुमचो गुहार चो लागुन, आउर ईशु मसीह चो आत्मा चो दान बाटले, ऐचो करलो फल मोचो मुक्ति होयेदे।

1 थिस्सलुनीकियो 4:8

ऐई लागुन जोन ऐके तुच्छ जानु आय, हुन माने के नाई मान्तर माहापुरू के तुच्छ जानु आय, जोन आपलो पवितर आत्मा तुमके देऊ आय।

1 पतरस 1:11

हुनमन ऐ गोठ चो खोज करला कि मसीह चो आत्मा जोन हुनमन थाने रये, आउर पयले ले ची मसीह चो दुकमन चो बाटे हुनचो पाचे होतो बिती महिमा चो गोहई देते रये, हुन कोन ले आउर कसन समया चो बाटे ईसारा करते रलो।

यहूदा 1:20

मान्तर हे लाडरामन, तुमी आपलो खुबे पवितर बिश्वास ने उन्नती करते-करते आउर पवितर आत्मा ने पारथना करते-करते,

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।