गलातियो 4:5 - Halbi

⁵ बल्ले नियम चो अधीनमन के घेनुन भाती छंड़ाओ, आउर आमके हकदार होतोर पन मिरो।

परमेस्वर को सच्चो वचन ख जाननू

⁵ काहेकि नेम का गुलाम हुन ख मोल लेका छुड़ा ले, अर हम या हमरो ख पालक पोरिया होन को हक मिले।

गलातियो 4:5 Iomraidhean Croise

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

लूका 1:68

“परबु इस्राएल चो माहापुरू धन्य हो, कसनबल्लोने हुन आपलो लोगमन उपरे नंजरा लो आउर हुनमन चो छुटकारा करलो से,

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

प्रेरितो 20:28

ऐईकाजे आपलो आउर पुईतराय गोहड़ी चो राका करा जोन थाने पवितर आत्मा तुमके अध्यक्ष ठेबालो से, कि तुमी माहापुरू चो कलीसिया चो राका करा, जोन के हुन आपलो लऊ ले घेनलो से।

रोमियो 10:4

कसनबल्लोने हरकोनी बिश्वास करतो बितामन काजे धारमिकता चो काजे मसीह नियम चो आखरी आय।

रोमियो 8:14

ऐईकाजे कि जितरो लोग माहापुरू चो आत्मा चो चलाये चलु आत, हुनीमन ची माहापुरू चो बेटा आत।

रोमियो 8:15

कसनबल्लोने तुमके गुलामी चो आत्मा नी मिरली कि फेर बाय बिकाल हुआ, मान्तर हकदार होतोर चो आत्मा मिरली से, जेचो ले आमी हे अब्बा हे बुआ बोलुन भाती हाग देऊ आंव।

रोमियो 8:19

कसनबल्लोने ब्रमांड बड़े आशा भरलो नजर ले माहापुरू चो बेटामन चो उजागर होतोर बाट दके से।

रोमियो 8:23

आउर मात्र हुनी ची नाई मान्तर आमी बले जेचो लगे आत्मा चो पयला फल आसे, खुद ची आपलो ने कहरे सोत; आउर हकदार होतोर बल्लोने आपलो देंह चो छुटकारा चो बाट दक से।

रोमियो 9:4

हुनमन इस्राएली आत, हकदार चो हक, महिमा, बायदामन, नियम चो ईनाम, माहापुरू चो उपास, आउर बचनमन हुनी ची मन चो आय।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

गलातियो 3:26

कसनबल्लोने तुमी सपाय हुन बिश्वास चो लागुन जोन मसीह ईशु थाने आसे, माहापुरू चो पिला आहास।

गलातियो 4:21

तुमी जोन नियम चो अधीन होऊक चाहायसास, मोके सांगा, काय तुमी नियम चो नी सुनास?

गलातियो 4:7

ऐईकाजे तुय अदायं दास नुआस मान्तर बेटा आस; आउर जिदलदाय बेटा होलीस, तेबे माहापुरू चो बाटले हकदार बले होलीस।

इफिसीयो 1:5

आउर आपलो इच्छा चो नुकु इच्छा चो अनुसार आमके आपलो काजे पयले ठेबालो कि ईशु मसीह चो दुवारा आमी हुनचो हकदार बेटा होऊँ,

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 9:12

आउर बोकड़ामन आउर बाचामन चो लऊ चो दुवारा नुआय मान्तर आपलो ची लऊ चो दुवारा, गोटक ची हार पवितर जगा ने ओललो आउर अमर छुटकारा परापत करलो।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

प्रकाशितवाक्य 14:3

हुनमन सिंघासन चो पुरे आउर चारो परानीमन आउर सियानमन चो पुरे गोटक नवा गीत गावते रवत। हुनमन एक लाख चवालीस हजार जनमन के छांडुन, जोन धरतनी थानले घेना जाऊ रवत, कोनी हुन गीत नी सिकुक सकते रवत।

प्रकाशितवाक्य 5:9

हुनमन ऐ नवा गीत गाऊक मुरयाला, “तुय ऐ किताब के धरतोर, आउर ऐचो सीलमन खोलतोर लायक आस; कसनबल्लोने तुय पुजाय होऊन भाती आपलो लऊ ले हरकोनी कुल आउर भाषा आउर लोग आउर जाति थानले माहापुरू चो काजे लोगमन के घेनली सीस,