गलातियो 4:4 - Halbi

⁴ मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

परमेस्वर को सच्चो वचन ख जाननू

⁴ पर जब बखत पुरो भयो, ते परमेस्वर न अपनो पोरिया ख पहुचायो जो ओरत से पैदा भयो, अर नेम को बस म पैदा भयो।

गलातियो 4:4 Iomraidhean Croise

मत्ती 1:23

“दका, गोटक कुंआरी देंहबारी होयेदे आउर गोटक बेटा जनमायदे, आउर हुनचो नाव इम्मानुएल संगाया जायेदे,” जेचो अरत आय-माहापुरू आमचो संगे।

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

मत्ती 5:17

“ऐ नी समजा, कि मय मूसा चो नियम नाहले अगम गिआनीमन चो किताबमन के मेटाऊक ईले से, मेटाऊक नाई, मान्तर पुरा करूक ईलेसे।

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

लूका 1:31

दक, तुय देंहबारी हो से, आउर तुचो गोटक बेटा जनम होयेदे; तुय हुनचो नाव ईशु संगाव।

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 2:7

आउर हुन आपलो पयलवात बेटा जन्माली आउर हुनके फटीई थाने लेपटाऊन भाती कोंड़ा डोंगा ने संगाला; कसनबल्लोने हुनमन चो काजे धरमशाला ने ठान नी रली।

लूका 20:44

दाऊद तो हुनके परबु बोलु आय; तेबे फेर हुन हुनचो बेटा कसन ठेबलो?”

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 10:36

तेबे जोन के बुआ पवितर थेबाऊन भाती जगत ने पठालो से, तुमी हुनचो ले बोलु आस, ‘तुय निन्दा करू आस,’ ऐईकाजे कि मय बल्ले, ‘मय माहापुरू चो बेटा आंय’?

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 6:38

कसनबल्लोने मय आपलो इच्छा नाई मान्तर आपलो पठालो बिता चो इच्छा पुरा करतो काजे सरग ले उतर ले से;

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रेरितो 1:7

हुन हुनमन ले बल्लो, “हुन समयामन नाहले जोगमन के जानतोर, जेके बुआ आपलो ची अधिकार ने संगालो से, तुमचो काम नुआय।”

रोमियो 1:3

आपलो बेटा आमचो परबु ईशु मसीह चो बारे ने बायदा करलो; हुन देंह चो बाटले तो दाऊद चो पुरखा ले जनमलो

रोमियो 15:8

ऐईकाजे मय बलेंसें कि जोन बायदामन बुआ दादीमन के दिआय जाऊ रये हुनमन के जमखम करतो काजे मसीह, माहापुरू चो सत चो सबुत देतो काजे, खतना करलोर लोगमन चो सेवक बनलो;

रोमियो 5:6

कसनबल्लोने जिदलदाय आमी कमजोर ची रलु, तेबे मसीह ठीक समया थाने बिश्वास नी करतो बितामन काजे मरलो।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

रोमियो 9:5

पुरखा बले हुनी ची मन चो आत, आउर मसीह बले देंह चो हिसाब ले हुनी ची मन ले होलो, जोन सपाय चो उपरे परम माहापुरू जुग-जुग धन्य आसे। आमीन।

इफिसीयो 1:10

कि समयामन चो पुरा होतोर असन जुगाड़ होओ कि जोन काई सरग ने आसे आउर जोन काई धरतनी थाने आसे, सपाय काई हुन मसीह ने रूंडा करो।

कुलुस्सियो 2:14

आउर बिदीमन चो हुन लेखा जोन आमचो नाव ने आउर आमचो बिरूद ने रली मेटाऊन दिलो, आउर हुनके कुरूस उपरे खुटीमन ले ठेचुन भाती पुरे ले गुचाऊन दिलो से।

1तीमुथियुस 2:6

जोन आपन खुद के सपाय चो छुटकारा चो दाम ने देऊन दिलो, आउर हुनचो गोहई ठीक समया थाने दियाय गेली।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

इब्रानियो 9:10

कसनबल्लोने हुनमन मात्र खातो पिवतोर तीजमन आउर किसम-किसम चो नाहातो बिदी चो आधार थाने देंह चो नियम आय, जोन सुधरातोर समया तक चो काजे नियुक्त करा गेला से।

1यूहन्ना 4:14

आमी दकलु से बले आउर गोहई देऊ आंव कि बुआ बेटा के जगत चो मुक्तिकरू करून पठालो से।

1यूहन्ना 4:2

माहापुरू चो आत्मा तुमी ऐ रीति ले चिताऊक सका से, जोन आत्मा मानु आय कि ईशु मसीह देंह ने होऊन भाती ईलो से हुन माहापुरू चो बाटले आय,