गलातियो 3:2 - Halbi

² मय तुमचो ले मात्र ऐ जानुक चाहायें से कि तुमी आत्मा के, काय नियम चो काममन ले नाहले बिश्वास चो खबर ले पावलास?

परमेस्वर को सच्चो वचन ख जाननू

² मी तुम से सिर्फ यू जानन चाहूँ हैं कि तुम न आत्मा ख का नेम को काम हुन से या भरोसा को खबर से पायो?

गलातियो 3:2 Iomraidhean Croise

प्रेरितो 15:8

मन चो जाचतो बिता माहापुरू हुनमन के बले आमचो असन पवितर आत्मा देऊन भाती हुनमन चो गोहई दिलो;

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 8:15

हुनमन जाऊन भाती हुनमन चो काजे पारथना करला कि पवितर आत्मा पाओत।

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

1 कुरिन्थियो 9:21

नियम नी मानतो लोगमन चो काजे मय-जोन माहापुरू चो नियम ले लापी नाई मान्तर मसीह चो नियम ले अधीन आंसे नियम नी मानतो लोग चो असन बनले कि नियम नी मानतो लोग चो मन के झिकुन आने।

2 कुरिन्थियो 11:4

अगर कोनी तुमचो लगे ऐऊन भाती कोनी दुसर ईशु चो परचार करोत, जेचो परचार आमीमन नी करलु; नाहले कोनी आउर आत्मा तुमके मिरो, जोन पयले नी मिरू रली; नाहले आउर कोनी नगतखबर सुना ओत जोन के तुमी पयले नी मानु राआस, तेबे तुमी हुनके सहु आहास।

गलातियो 3:14

ऐ ऐईकाजे होली कि अब्राहाम चो आशीष मसीह ईशु ने दुसर जातिमन लगले पहुँचो, आउर आमी बिश्वास चो लागुन हुन आत्मा के परापत करवां जेचो बायदा होली से।

गलातियो 3:3

काय तुमी असन निरबुद्धि आहास कि आत्मा चो रीति थाने मुरयाऊन भाती अदायं देंह चो रीति थाने आखरी करा से?

गलातियो 3:5

जोन तुमके आत्मा दान करे से आउर तुमनमन ने सामरत चो काम करे से, हुन काय नियम चो काममन ले नाहले नगतखबर थाने बिश्वास ले असन करे से?

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

इब्रानियो 4:2

कसनबल्लोने आमके हुनीमन चो असन नगतखबर सुनाया गेली से, मान्तर सुनलो बिती बचन ले हुनमन के काई लाब नी होली; कसनबल्लोने सुनतो बितामन चो मन ने बिश्वास चो संगे नी बसली।

इब्रानियो 6:4

कसनबल्लोने जोनमन गोटक हार उजर पावला से, आउर जोन सरग चो बर चो सुआद चाकुन चुकला से आउर पवितर आत्मा चो शामिल होऊन गेला से,

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।