गलातियो 2:7 - Halbi

⁷ मान्तर ऐचो उलटा जिदलदाय हुनमन दकला कि जसन खतना करलो लोगमन चो काजे नगतखबर चो काम पतरस के सोपा गेली, असने ची खतना नी होलो लोगमन चो काजे मोके नगतखबर सुनातोर सोपा गेली।

परमेस्वर को सच्चो वचन ख जाननू

⁷ पर एको उल्टो जब उन न विस्वास मान लियो कि मोखा उसी ही दुसरा यहूदी हुन म सुसमाचार को काम पतरस ख सोपियो गयो, वसोच ही खतना नी दिया वाला हुन को लाने मो ख अच्छी खबर सुनानो सोपियो गयो।

गलातियो 2:7 Iomraidhean Croise

प्रेरितो 15:12

तेबे पुईतराय सभा ओगाय बरनबास आउर पौलुस चो सुनुक मुरयाली, कि माहापुरू हुनमन चो बाटले दुसर जातिमन ने कसन बड़े-बड़े चिना, आउर भयंकर काम दकालो।

प्रेरितो 18:6

मान्तर जिदलदाय हुनमन बिरूद आउर निन्दा करूक मुरयाला, तेबे हुन आपलो फटीई फाफडून भाती हुनमन ले बल्लो, “तुमचो लऊ तुमचेई टोडरा थाने रओ! मय निर्दोष आंय। अदायं ले मय दुसर जातिमन चो लगे जायें दें।”

प्रेरितो 28:28

“आउर तुमी जाना कि माहापुरू चो ऐ मुक्ति चो कथा दुसर जातिमन चो लगे पटाया गेली से, आउर हुनमन सुन दे।”

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 11:13

मय तुमी दुसर जातिमन ले ऐ गोठमन बलेंसें। जिदलदाय कि मय दुसर जातिमन चो काजे पठालोबिता आंय, तेबे मय आपलो सेवा चो बड़ाई करू आंय,

1 कुरिन्थियो 9:17

कसनबल्लोने अगर आपलो इच्छा ले ऐ करें से तेबे भुती मोके मिरे से, आउर अगर आपलो इच्छा ले नी करे तेबले बले भण्डारीपन मोके सोपा गेली से।

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

गलातियो 1:18

फेर तीन बरक चो पाचे मय कयफा ले भेट करतो काजे यरूशलेम गेले, आउर हुनचो लगे पन्दरा दिन तक रले।

गलातियो 1:6

मोके चकित होऊ आय कि जोन तुमके मसीह चो अनुग्रह ने हाग दिलो हुनचो ले तुमी ईतलो झटके फिरून भाती दुसर ची परकार चो नगतखबर चो बाटे लोऊँक मुरयालास।

गलातियो 2:11

मान्तर जिदलदाय मय कयफा अन्ताकिया ने ईले, तेबे मय हुनचो मुंह थाने हुनचो सामना करले, कसनबल्लोने हुन दोषी ठेबु रलो।

गलातियो 2:14

मान्तर जिदलदाय मय दकले कि हुनमन नगतखबर चो सत उपरे सीदा चाल नी चलोत, तेबे मय सपाय चो पुरे कयफा ले बल्ले, “जिदलदाय तुय यहूदी होऊन भाती दुसर जातिमन चो अनुसार चल सीस आउर यहूदीमन चो असन नाई तेबे तुय दुसर जातिमन के यहूदिमन चो अनुसार चलतो काजे केंव बोल सीस?”

गलातियो 2:9

आउर जिदलदाय हुनमन हुन अनुग्रह के जोन मोके मिरू रये जानला, तेबे याकूब, आउर कयफा, आउर यूहन्ना जोन कलीसिया चो खुटा समजा जाते रवत, मोके आउर बरनबास के संगती चो उजा हाथ दिला कि आमी दुसर जातिमन चो लगे जाऊ आउर हुन खतना करलो बितामन चो लगे;

1 थिस्सलुनीकियो 2:4

मान्तर जसन माहापुरू आमके लायक ठेबाऊन भाती नगतखबर सोपलो, आमी असने ची वर्णन करूं से, आउर ऐ थाने मानेमन के नाई, मान्तर माहापुरू के, जोन आमचो मन-मन के जाचु आय, हरिक करूं आंव।

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।

2 तीमुथियुस 1:11

जेचो काजे मय परचारक, आउर पठालोबिता, आउर उपदेशक बले ठेबले।

2 पतरस 3:15

आउर आमचो परबु चो धीरज के मुक्ति समजा, जसन आमचो लाड़रा भाई पौलुस बले हुन गिआन चो अनुसार जोन हुनके मिरली, तुमके लिकलो से।