गलातियो 1:7 - Halbi

⁷ मान्तर हुन दुसर नगतखबर आसे ची नाई मान्तर गोठ ऐ आय, कि कितलो असन आत, जोन तुमके घबराऊन देऊ आत, आउर मसीह चो नगतखबर के नशाऊक चाहाऊं आत।

परमेस्वर को सच्चो वचन ख जाननू

⁷ पर उ दुसरो सुसमाचार हईच नी हाय पर बात या हैं कि कित्ता असा हैं जे तुम ख घबरा देवा, अर यीसु मसी को चोक्खो संदेस ख बिगाड़नो चाहवा हैं।

गलातियो 1:7 Iomraidhean Croise

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

प्रेरितो 15:24

आमी सुनलु से कि आमचो थानले कितलो झान हुता जाऊन भाती, तुमके आपलो गोठमन ले घबराऊन दिला; आउर तुमचो मन उलटाऊन दिला से मान्तर आमी हुनमन के हुकुम नी देऊ रलु।

प्रेरितो 20:30

तुमचो ची मंजी ले बले असन-असन माने उठ दे, जोन चेलामन के आपलो पाटकुती झिकुन धरतो काजे टेड़ा मेड़ा गोठमन बलदे।

2 कुरिन्थियो 11:13

कसनबल्लोने असन लोग फंदी पठालोबिता, आउर छंद ले काम करतो बितामन, आउर मसीह चो पठालोबितामन चो भेष धरतो बितामन आत।

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

गलातियो 1:6

मोके चकित होऊ आय कि जोन तुमके मसीह चो अनुग्रह ने हाग दिलो हुनचो ले तुमी ईतलो झटके फिरून भाती दुसर ची परकार चो नगतखबर चो बाटे लोऊँक मुरयालास।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

गलातियो 4:17

हुनमन तुमके मित बनाऊक तो चाहाय सोत, मान्तर अच्छा बिचार ले नाई; मान्तर तुमके अलग करूक चाहास सोत कि तुमी हुनीमन के मित बनाआ।

गलातियो 5:10

मय परबु थाने तुमचो बारे ने भरसा संगाऊ आय कि तुमचो कोनी दुसर बिचार नी होये दे; मान्तर जोन तुमके घबराऊन देऊ आय, हुन कोनी केंव नी होओ डण्ड पाये दे।

गलातियो 5:12

अच्छा होती कि जोन तुमके ऐ बाटे हुन बाटे करू आत हुनमन आपलो धड़ ची काटून देता।

गलातियो 6:17

पयले ले कोनी मोके दुख नी दिआस, कसनबल्लोने मय ईशु चो दागमन के आपलो देंह ने धरून फिरें से।

2 तीमुथियुस 2:18

जोन ऐ बोलुन भाती कि जीव उठतोर होऊन चुकली से सत ले भटकुन गेला से, आउर कितलो चो बिश्वास के उलटा पुलटा करून देऊ आत।

1यूहन्ना 2:26

मय ऐ गोठमन तुमके हुनमन चो बारे ने लिकले से, जोन तुमके भरमाऊ आत;

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

2 यूहन्ना 1:10

अगर कोनी तुमचो लगे ऐओ आउर ऐई सिक्या नी देओ, हुनके न तो घर ने ऐऊक दिआस आउर न जुहार करा।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”

प्रकाशितवाक्य 2:6

“मान्तर हव, तुचो थाने ऐ गोठ तो आसे, कि तुय नीकुलईमन चो काममन ले घिनाऊ आस, जेचो ले मय बले घिनाऊ आंय।”

प्रकाशितवाक्य 20:3

आउर हुनके अन्दकुप खोदरा ने डालुन भाती बन्द करलो आउर हुनचो उपरे मोहर लगाऊन दिलो कि हुन हजार बरक चो पुरा होओत ले जाति-जाति चो लोगमन के फेर नी भरमाओ। ऐचो पाचे जरूरी आय कि हुन थोड़े देर काजे फेर खोला जाओ।